芋圓一

營業中

休息中

過嚟西營盤探朋友，朋友知我係芋控，專登帶咗我去佢屋企附近嘅糖水店食芋圓，味道有驚喜喎❤️除咗樓下室內外座位，原來樓上都有卡位可以坐，點餐後，店員會幫忙送甜品上樓。✨芋香仙草芋圓芋香芋圓我都愛❤️芋香仙草芋圓啱晒我心意😍大大碗好足料，入面有三色芋圓、仙草、薏米、黑糖珍珠，小丸子，粉粿、芋香汁。佢地嘅芋香汁原來係每日鮮打，入口creamy，味道濃厚而且唔會太甜，係純天然嘅香味！芋圓煙韌Q彈，鍾意佢軟糯唔太硬嘅質感👍🏻薏米軟腍得嚟有咬口，黑珍珠/小丸子煙煙韌韌，仙草份量好多，味道清甜。✨冰糖雪燕燉桃膠朋友嘅冰糖雪燕燉桃膠，賣相充滿聖誕氣氛☃️雪人樽有聖誕帽又有聖誕頸巾，好有心思❤️入口味道清甜，仲食到一粒粒嘅雪燕同桃膠，啱哂冬天飲，可以滋潤下😋