偉偉川菜 (利發大廈)

營業中

休息中

琴晚同幾個同事諗住試下新嘢，上網揾到呢間，上去試食。間商埸我喺銅鑼灣返工三十年，都係第二次上去，商場環境就唔講啦，好有懷舊feel上到去先知間嘢好有住家菜嘅感覺，同埋諗唔到有咁多人幫趁。可能人多做唔切，七點入座，八點上齊四個餸。酸菜魚魚片滑嘅，不過好清淡一D酸菜味都冇，我自己泡嘅酸菜好味過佢，除咗油多D，似清湯魚片多D，唔通聽到全場多數講普通話，得我哋講廣東話專登輕手咗。乾煸四季豆，乾鍋肥腸(唔記得係咪呢個名），可能人多，上枱唔係熱辣辣，味道尚可，不過原生港人都話唔夠辣。大碗花菜，個人覺得應該切細塊D，同埋炒嘅火候差少少。食完總結，色香夠，味差咗少少，搞到同事又要我重出江湖，煮返我嘅首本名菜水煮魚同麻辣雞煲