呂錦記手撕雞專門店 (皇后大道西)

營業中

休息中

今日做完運動，想食返D蛋白質野。見到附近開左間呂錦記手撕雞，即管試下。佢有得叫套餐48蚊，有飯有雞 有野飲，好良心價，好抵。但因為我唔食澱粉，所以叫左半隻川味麻辣手撕雞。同一份雞腎小食，都只係六十幾蚊。雞肉經過撕扯成絲，吸附左香濃既麻辣調料，雞肉口感鮮嫩有麻辣香味，花椒的麻感與紅辣椒的辛辣融合，帶來刺激又不過於猛烈的辛辣感覺，非常開胃忍不住一口接一口。呂錦記川麻手撕雞沒有芫荽或蔥花，岩哂我唔食芫荽蔥既人，需然無呢D香料搭配，但仍然充滿了香氣與層次感。另外份雞腎小食都唔錯，爽口無腥味。以1人份量黎講，非常足料。