寶泰船麵

營業中

休息中

前幾日食完泰菜唔夠候 又好想食反碗泰出名的船麵😆 結果被我發掘到旺角呢間專門食船麵嘅餐廳😍 去到門口多人到嚇親我 好彩都好順利咁好快有位～🔖船麵什丸 HKD78船麵湯底濃郁香甜，麵煮得剛好，唔會過淋。配料好豐富，有脆卜卜嘅炸豬皮，牛丸、豬肉丸、魚蛋各二，另有大量芫荽，整體都好正。魚蛋、豬肉丸味道幾香，牛丸更是出色，唔靭之餘，更係牛肉香味濃郁🔖曼谷街頭清湯牛丸湯麵 HKD68湯頭相對清甜，冇船麵咁濃味，但同樣好味。鴨蛋麵好有蛋香，不錯。配料有炸豬皮、蘿蔔、牛丸同芫荽。蘿蔔煮得好淋好入味，索晒湯汁，非常香甜。🔖秘製醬汁芥蘭菜 HKD38芥蘭不錯，唔會太老太硬。淋上秘製醬汁，驟眼睇有蠔油、醬油、蒜蓉等，味道稍淡，不過蒜蓉非常香同入味，撈上芥蘭食更佳🔖曼谷街頭炸雞翼 HKD48炸雞翼皮脆肉嫩，炸到恰好，唔會太老太柴。就咁食就係炸雞翼的味道，有一定香味，不會太濃。亦可沾上雞醬，味道截然不同，甜甜辣辣的醬汁令雞翼更香，亦突出到炸雞翼嘅味道🔖凍班斕香茅茶 HKD26推薦一試，班斕味超香，整杯茶充斥班斕的香味，不過就唔太試到香茅味🔖手打薄荷青檸梳打 HKD32幾清新嘅梳打，相對上邊的班斕茶較甜，但因為