影片
更多
2023-07-03
82 瀏覽
2023年6月16日 星期五今日晏晝同成班同事落到去筲箕灣食lunch，見到呢間餐廳好似新開張左冇幾耐，一直都想嚟試吓，所以冇諗太多就入咗去由於入座嘅時間唔係繁忙時間，所以好彩唔算太多人，我哋坐喺二樓，空間感好大，裝修得幾有古典氣息，坐得幾舒服餐廳名講到明係四川，咁當然有四川菜，菜式都有好多款可以選擇，仲有分辣同唔辣，價錢都唔算太貴，於是我哋叫咗七至八個菜式share黎食首先嚟到嘅係自製酸梅湯，一揸咁上，酸酸地又夠晒冰凍，應該可以好解辣，用嚟配四川菜就啱晒再等咗一陣，食物就開始陸續送上，首先有招牌酸菜魚，魚肉用咗脆肉鯛，所以魚肉嘅口感有少少脆，唔會煮得好老，肉質啱啱好又入味，而且下面嘅水晶粉吸收晒菜式嘅味道，越食越過癮，但唔會太辣難以入口，因為我哋只係叫咗BB辣跟住有腩肉萵筍炒，萵筍炒得幾爽脆，同腩肉幾夾，感覺唔係太油膩，炒得唔錯再嚟有上湯豆腐娃娃菜，湯底幾鮮甜，娃娃菜都浸得好入味，而且豆腐好滑溜，又唔會咁容易散開晒，食咗咁多辣嘢用返呢個菜式中和返就啱啱好呢一個係炒水晶粉，裏邊仲有肉碎、洋蔥同京蔥等等，炒得好香口，而且唔會食落去好多油，同樣地水晶粉吸收晒菜式嘅味道，所以好入味冇諗過呢間
今日晏晝同成班同事落到去筲箕灣食lunch，見到呢間餐廳好似新開張左冇幾耐，一直都想嚟試吓，所以冇諗太多就入咗去
由於入座嘅時間唔係繁忙時間，所以好彩唔算太多人，我哋坐喺二樓，空間感好大，裝修得幾有古典氣息，坐得幾舒服
餐廳名講到明係四川，咁當然有四川菜，菜式都有好多款可以選擇，仲有分辣同唔辣，價錢都唔算太貴，於是我哋叫咗七至八個菜式share黎食
首先嚟到嘅係自製酸梅湯，一揸咁上，酸酸地又夠晒冰凍，應該可以好解辣，用嚟配四川菜就啱晒
再等咗一陣，食物就開始陸續送上，首先有招牌酸菜魚，魚肉用咗脆肉鯛，所以魚肉嘅口感有少少脆，唔會煮得好老，肉質啱啱好又入味，而且下面嘅水晶粉吸收晒菜式嘅味道，越食越過癮，但唔會太辣難以入口，因為我哋只係叫咗BB辣
跟住有腩肉萵筍炒，萵筍炒得幾爽脆，同腩肉幾夾，感覺唔係太油膩，炒得唔錯
再嚟有上湯豆腐娃娃菜，湯底幾鮮甜，娃娃菜都浸得好入味，而且豆腐好滑溜，又唔會咁容易散開晒，食咗咁多辣嘢用返呢個菜式中和返就啱啱好
呢一個係炒水晶粉，裏邊仲有肉碎、洋蔥同京蔥等等，炒得好香口，而且唔會食落去好多油，同樣地水晶粉吸收晒菜式嘅味道，所以好入味
冇諗過呢間餐廳嘅梅菜扣肉都做得咁出色，扣肉夠肥先好味，但呢個扣肉又唔係完全得肥膏，入口即融，而梅菜都同樣地發揮作用，撈飯食簡直係一流！！
呢一個係濃湯雲吞雞，冇諗過份量都幾多，裡邊除咗有雞肉之外，仲有唔少雲吞，雞肉好嫩滑之餘雲吞都好大粒，加上湯底嘅味道好濃郁
最後仲有餐廳嘅招牌菜農家鹹雞，真係整得幾好食，每一舊雞都充滿鹹香，而且肉質幾嫩滑又充滿油香，果然係推介菜式
埋單大約$900左右，食咗好多野而且好飽！！
張貼
