君好海鮮酒家 (已結業)

上星期 一家人去咗長沙灣呢間君好海鮮酒樓食晚飯， 地方唔算新淨， 但勝在就腳， 地鐵站行出來只需幾分鐘。之前都係到飲過茶， 勝在價錢抵， 而且食物水準都唔差！晚飯孖寶 $388 有半隻乳豬及清蒸大海斑一條 乳豬好好味 真正皮脆肉厚！大海斑，廚房控制火候剛剛好！仲有呢度嘅金牌燒雞， 好入味而且燒得很脆！今日係做節， 點了一份竹笙雞絲翅， 足足夠分六碗， 而且熱辣辣， 用料份量十足！蒜蓉開邊蒸蝦， 蒜蓉汁做得好好味， 蝦肉亦十分結實，爽口。我們的家人都十分之滿意， 呢度既侍應及經理， 都做了很長日子， 好有人情味！