Italian Tomato Café (置富第一城)

營業中

休息中

公司提早收爐, 年三十晚就約朋友食個LUNCH! 因為朋友仲要WFH, 所以就搭車去佢屋企附近食啦! 我哋約左11:30, 唔知係咪時間尚早, 好多餐廳一係未開, 一係就提早收爐。咁見到Italian Tomato 開咗, 而且有位, D 位又濶落, 好啱我哋傾計, 於是就決定食呢間啦!MENU 都好多嘢揀, 最後我揀咗煙三文魚蘑菇蒜香意粉,套餐包餐湯, 餐包同飲品。餐湯係忌廉湯, 正常, 不太特別。煙三文魚蘑菇蒜香意粉好香蒜頭味, 煙三文魚都有幾塊, 夾埋D 蘑菇都幾好食! 食埋主菜後就上飲品, 我叫咗齋啡, 不錯!另外, 雖然坐出面, 但係都有店員注守, 唔會出現想落單而又冇人嘅情況。