Chatterbox Express (已結業)

今日又再嚟食啦，上次食完，至今念念不忘，呢度的新加坡美食，真係我至愛呀。環境新淨，座位闊落。係自己睇完餐牌，出去點餐，所以無需加一，好抵呀。但所有餐係有人遞上枱的。我當然叫返我至愛嘅文華海南雞飯套餐。海南雞真的很嫩滑，真係好食到唔停得口。成個套餐會配油飯，豆腐湯，一杯熱飲。豆腐湯好清甜，以我杯熱飲就叫咗美祿恐龍，非常好👍。我朋友就叫咗新加坡肉骨茶套餐，呢個也是我朋友自愛。最喜愛嘅就是湯底，龍龍嘅胡椒湯味，配埋啲肉骨，非常好。呢個餐也有跟油炸鬼，放落湯或者就咁食，一樣好食。小食，我哋亦都嗌返上次食過嗰啲，因為真係好好食。包括：鹹蛋黃雞翼，熱辣辣，脆卜卜，好惹味。另外，就係一個推介嘅甜品，咖映雪糕三文治。凍冰冰好香嘅椰子雪糕，夾在咖映麵包中，正！食完，又即時諗下次幾時嚟再食。