影片
更多
2025-03-31
227 瀏覽
#WeekendBrunch 🍓每逢週末，我哋都會捐窿捐罅去搵嘢食，俾個藉口自己大擦一餐之餘，又可以同朋友仔傾吓偈、慢慢欣賞美食🍽️ 朋友仔知我鍾意試新嘢，特登带我嚟到已經有30年歷史（1985開業），喺 #灣仔 註腳五年嘅 #傳統印度餐廳「Jo Jo Indian Cuisine」，話包我有驚喜！西式嘅brunch（早午餐） #小秘書 就試得多，印度式嘅真係第一次… 好期待！嚟到餐廳嘅大門，已經感受到印度人嘅熱情，#店長 為我哋安排窗邊嘅位置，正好望到晒附近嘅風景😎 餐廳色彩繽紛嘅佈置，加上紅紅綠綠嘅菜式，可以話係 #印度菜 嘅特色，既然呢餐係All We Can Eat（自助餐任食），梗係要樣樣試吓，唔好執輸吖嘛😆 不過喺我哋未郁手之前，熱情嘅店長已經為我哋準備好幾款特色小食，仲同我哋逐一介紹有關食法同材料，幫我哋免費上咗一課呀😎店長先為我哋送上 Masala Dosa #印度瑪沙拉捲餅 🫔 即做嘅 #捲餅 外皮好鬆化，咬落去有好香嘅薯仔味道，喜歡嘅仲可以加啲椰子醬、蕃茄醬，或者咖喱醬上面，充滿印度特色👳🏾♂️另外一款Pani-Puri #酥炸薄圓球 ，外貌睇嚟有啲似我哋中國人嘅豆
每逢週末，我哋都會捐窿捐罅去搵嘢食，俾個藉口自己大擦一餐之餘，又可以同朋友仔傾吓偈、慢慢欣賞美食🍽️ 朋友仔知我鍾意試新嘢，特登带我嚟到已經有30年歷史（1985開業），喺 #灣仔 註腳五年嘅 #傳統印度餐廳「Jo Jo Indian Cuisine」，話包我有驚喜！西式嘅brunch（早午餐） #小秘書 就試得多，印度式嘅真係第一次… 好期待！
嚟到餐廳嘅大門，已經感受到印度人嘅熱情，#店長 為我哋安排窗邊嘅位置，正好望到晒附近嘅風景😎 餐廳色彩繽紛嘅佈置，加上紅紅綠綠嘅菜式，可以話係 #印度菜 嘅特色，既然呢餐係All We Can Eat（自助餐任食），梗係要樣樣試吓，唔好執輸吖嘛😆
不過喺我哋未郁手之前，熱情嘅店長已經為我哋準備好幾款特色小食，仲同我哋逐一介紹有關食法同材料，幫我哋免費上咗一課呀😎
店長先為我哋送上 Masala Dosa #印度瑪沙拉捲餅 🫔 即做嘅 #捲餅 外皮好鬆化，咬落去有好香嘅薯仔味道，喜歡嘅仲可以加啲椰子醬、蕃茄醬，或者咖喱醬上面，充滿印度特色👳🏾♂️
另外一款Pani-Puri #酥炸薄圓球 ，外貌睇嚟有啲似我哋中國人嘅豆腐卜一樣，脆脆嘅外皮，加埋啲果汁一齊食，醬汁爆滿口腔，鹹鹹甜甜咁，又幾得意喎🤪
除此之外，外面自助餐枱上仲有好多唔同嘅 #印度美食，全部都係五顏六色咁，非常吸睛👀 一向鍾情 #印度咖喱 嘅我，當然要試晒唔同嘅款式🤤 不過我就比較歡喜佢哋嘅Lamb Shank Curry #羊腿咖喱 同埋 Chicken Tikka Masala #瑪莎拉雞塊 🤤 羊腿肉做得相當腍滑，微微嘅喱辣汁，跟印度香料同羊肉嘅天然羶味配合特相依無縫🤤 至於個 #瑪莎拉醬 更加係冇得輸，香濃嘅口味包圍着每一塊雞件，再配埋 #Naan #印度薄餅 同埋 #Roti #印度烤麥餅 一齊入口，軟糯嘅薄餅皮，同咖喱醬汁融為一體，簡直係絕配！
除咗主菜，佢哋仲有唔同嘅 #小食 同 #沙律菜，樣樣都好有特色，Saag Paneer #芝士菠菜 味道唔會太濃，啱晒 #芝士控。甜品方面，我會推介大家試吓圓轆轆嘅 Kesari Rasmalai #印度芝士藏紅花丸子，食落去有一種獨特嘅奶香味，甜甜地正好中和咖喱嘅濃味🤤
食咗咁多嘢，又點少得杯 #印度特飲，Masala Tea #瑪莎奶茶、Mango Lassi #芒果酪乳 都係我嘅至愛，既然brunch set包飲品（假日每人一杯），梗係兩隻口味都試晒佢😎 馬莎奶茶味香醇，不過個芒果乳酪就認真真材實料，淡淡芒果清香同香滑嘅乳酪，正好為呢餐畫上完美。
整體餐廳食物都好有特式，員工態度亦非常友善❤️ 啱晒三五知己嚟聚會。
張貼
