RBTea (已搬遷) 新店位置

因為之前去左睇冰河世紀首影，送左張RBTea既優惠卷，於是同朋友去試下呢間以🐰仔做主題既餐廳。入座時無咩人，可以自己揀位坐。餐廳以自助形式服務，點餐要自己tick餐紙，再去比錢。不過就連水都要自己出去斟。朋友嗌左個晚市套餐: 香辣日式照燒汁意粉，配沙律&忌廉湯。但原來沙律只係蕃茄，而忌廉湯就飲得出係粉開既。意粉就幾好味，有茄子、蝦等配料，不過個人覺得唔辣。而我就嗌左焗忌廉野菌螺絲粉，上枱發現係無menu張相咁大份。無落芝士粉，螺絲粉上面既芝士都足夠拉絲，唔錯唔錯。另外我地嗌左冰河梳打套餐，有冰河梳打&冰河脆香鬆餅。冰河梳打既顏色好吸引，係人人都中意既天藍色不過雪糕未溶個陣飲落無咩味，雪糕溶左先有d甜味好飲d。我張優惠卷係嗌冰河祭產品就會送香腸西蘭花芝士薄脆，係我中意薄底pizza，個底好脆，幾推薦食到咁上下之後叫waiter準備上冰河脆香鬆餅，賣相幾好，又係藍色總結: 食物質素不過不失，唯獨晚市套餐既沙律&忌廉湯要改善下。RBTea定期都有推出唔同主題既食物吸引食客，今次呢個冰河祭主題就岩晒暑假期間，唔知下次會係咩主題呢？