番茄18 (觀塘工業中心第四期)

營業中

休息中

觀塘工業中心新開的番茄18，都係主打番茄湯，有啲似樓下冰室，唔知有冇關係🧐 雖然係工廈但環境都幾企理乾淨。胡椒豬肚雞米粉 $58個湯幾清，濃濃胡椒味，香而不會過份辛辣，有旺菜、芹菜、枝竹等配料好豐富，幾唔錯既胡椒湯再胡椒啲都仲得，豬肚爽口而且份量都幾多，仲有好多雞塊，當中仲有一隻雞翼添! 米粉係半透明個種索湯一流。價錢包飲品，唔算平但夠大份，咁大碗都食得哂，湯都飲哂。番茄炒蛋湯麵配瑞士汁雞翼 $56番茄湯香濃一如預期地重茄膏味而且比較杰身，但係好味既，上海麵就麻麻叫返米線米粉會較穩陣。瑞士汁好濃好入味唔會甜，雞翼大隻肥美。