田浦食肉

營業中

休息中

凍凍地想食韓燒，記起經常經過填舖，都冇機會入去食，今晚就試一試。叫咗一個PC餐，即係五花肉加梅花肉加豬頸肉套餐，再叫咗個海鮮豆腐湯暖胃。三大嚿肉，份量對兩個人嚟講有啲多，舒服在有侍應幫你燒埋，再剪埋俾你食，完全係殘廢餐服務。侍應燒得好好味，啲肉外層脆裏面軟，熱辣辣咁食非常好味。雖然五花肉同梅花肉都有好多肥肉，但用生菜加醃咗嘅蘿蔔再加其他配菜包埋一齊食，中和咗嗰種油膩感，食落口唔覺得肥膩。海鮮豆腐湯少少辣，但係好足料，味道好醒胃，啱晒飯前飲。