土司工坊 (青衣城1)

營業中

休息中

好友生完BB之後，非常忙碌，今日遷就佢，嚟到青衣城同佢一齊食個early lunch，敘吓舊。大家不約而同話想食東南亞菜，咁經過呢間就入咗去，而竟然又不約而同都叫咗肉骨茶套餐，真係心有靈犀。呢度係自助形式，俾咗錢買跟住坐低，等咗大約5分鐘員工就叫號碼，自己出去攞。肉骨茶大大煲，分量充足，賣相都幾吸引。先飲一啖湯先，可惜味道偏淡，香味亦都唔足夠。不過嗰兩舊豬肉煮得幾焾，算係攞返少少分。奶茶就冇以前咁香咁滑咁好味，明顯退步，有啲失望。