幾年前已經聽聞呢間拉麵店好食，但一直熱潮未過，路過見好多人所以一直冇試，終於今日喺旺角想食拉麵就諗起一生懸麵，去到見得兩個人排隊就諗住今日終於可以一試呢個拉麵！
入舖頭第一件事，間舖已經嚴重冷氣不足，喺今時今日香港嘅夏天，一間食熱湯嘅餐廳，冇冷氣已經大大減分，不過本着拉麵好食既心態期待上菜
先嚟咗碗豚骨拉麵，飲第一啖湯，覺得真係好普通，甚至唔係啲咩出眾嘅湯底，不過叉燒有胡椒味，呢個幾有特色幾喜歡
之後再嚟埋醬油湯拉麵，飲第一啖湯覺得係正常嘅醬油拉麵湯底味道，點知呢碗嘢越食越鹹，之後我哋認為根本係佢醬油調配個份量唔啱，完全係死鹹嘅湯，而唔係佢醬油特色既鹹
不過小食嚟講，餃子同埋雞軟骨棒真係幾好食👍🏻幾鍾意佢會加咗啲沙律醬落去雞軟骨棒上面，酸酸甜甜好似食緊大阪燒咁樣
但係呢間拉麵店，真係唔會食第二次，期望太大真係失望越大！
