Amplifier Restaurant (花園街) (已結業)

同Best friend兩個人黎到呢間喺旺角花園街嘅Amplifier Restaurant食飯撐枱腳,餐廳充滿歐陸情調, 感覺又浪漫又溫馨。仲有駐唱歌手獻唱, 聽住美妙嘅音樂享受美食, 真係好正。聽侍應講, 逢星期四如果有客人想一展歌藝都可以上台唱歌, 唱完仲有8折添, 如果有朋友對自己唱功有信心, 不妨一試。食物方面, 我地叫左青豆湯同蒜蓉包做前菜, 青豆湯味道濃郁但一D都唔"漏"飲完完全唔覺滯; 蒜蓉包焗得酥脆, 配合陣陣蒜香味, 令人食慾大增。另外,我地仲叫左個瓔桃木輕煙燻阿根廷粉紅生蝦咯嗲, 賣相非常吸引, 我同朋友都忍唔住要相機食先, 味道方面,鮮甜生蝦配上淡淡煙燻味令人食指大動。主菜我地叫左個法式紅酒燴和牛臉, 和牛口感軟腍,入口溶化,  配上黑松露薯蓉, 味道互相輝映。另外, 我地仲點左份脆炸洋蔥圈配蜜糖芥末醬, 酥脆可口嘅洋蔥圈, 令我地都食到停唔到口。最後, 我們點左一份朱古力心太軟配雪糕, 再加上一人一杯飲品, 分別係芒果菠蘿冰沙同藍海青檸冰沙,味道酸甜清新,賣相吸引, 啱曬夏天飲。順帶一提. 餐廳最近推出左新menu, 侍應亦好耐心咁為我地作出介紹,無論係環境,