牛陣 (德福廣場1期)

營業中

休息中

之前都聽唔少間野既負評，但人有時為方便唔想諗就會博一博，希望唔會發生自己身上，可惜。。。早幾日收工同班同事去食，頭一兩次黎既肉都 ok ，之後再嗌既肉就好唔新鮮，豬牛啲色明顯好暗同 so 味，未食完已經要埋單，如果方便人地無所謂。錢俾完之後，咁叫左既肉都唔剩好多，咪想整埋佢食埋唔好嘥，個女侍應就一直叫我地走，眼見完全無人等位，唔出聲就走過黎熄我地個爐，收走啲食物，搞到我地好似乞食咁，得返少少我地食唔食無所謂，已經食飽，煮埋個幾塊都只係唔想浪費，佢點解連幾塊仔都要收呢？大家發揮下想像空間而且因為佢啲雪糕太硬，啲味食晒又唔換桶新，要食自己買好過。野食平平無奇，價錢又唔叫好平，態度奇差，唔知貴公司係咪有咩苛刻規則令到員工咁，總結請都唔會再去，但你一人呃一次都賺到笑，打邊爐大把選擇，大家無謂博喇。