厚福館 (南角道) (已結業)

新年剛過，經過長假期及幾位同事的長假之後，終於歸位人齊可以開飯。老闆請食開年飯喎，應該要食豪D既。之不過，老細一早已經有心水，BOOK左厚福館呢間火鍋店。原來我老細係熟客，一開波就叫左個蟹麵，老闆詰餐牌冇的，叫「厚福招牌蟹麵」。所謂蟹麵，其實係薑蔥蟹粉絲煲的變奏，改用粗麵。用左原隻蟹黎煮，成個麵底吸曬D蟹味，好入味好惹味。我地仲叫左個炸黑松露餃，好鬼香，炸得又脆，賣相一流。之不過，我係唔會咁早俾呢D澱粉質打低的。好喇，入正題。黎得呢度緊係要叫海鮮渴底啦，我地叫左個火焰海皇海鮮湯底，阿拉斯加長腳蟹。本身個湯底已經有大蝦同大蜆，自上次去日本食長腳蟹，我二話不說放埋落去煮，加上佢本身有D有酒香味，成件事係非一般咁鮮甜。火鍋料方面，大致都唔錯，當中我強烈推介泡菜水餃、汕頭牛丸、手打魚蓉麵及芝士墨魚丸。首先，泡菜水餃係不能不食的。本身我係一個餃痴，呢隻野泡菜辣味醒神，再加入面的素翅，份外爽口及有咬口。汕頭牛丸亦係一絕，老闆詰係由汕頭直送的，咬落去肉汗豐富。手打魚蓉麵及芝士墨魚丸係驚喜，相當彈牙，特別係芝士墨魚丸，我未試過食粒丸要o趙超過10野。我估最後人均要$400，雖然係老闆請。