影片
更多
2021-08-04
296 瀏覽
📍 譽宴．星海薈好耐之前有親友係呢間擺酒，環境幾靚，坐得又舒服。今日同老闆食飯佢就決定黎呢間飲茶。餐廳位於利舞臺5樓，主要做宴會場地，樓底好高。➖➖午市 menu有好多選擇，令人眼花撩亂。今次就揀左$238既一人午市套餐再加一碟金瑤蛋白炒絲苗、一碟菠蘿叉燒包同埋一籠小籠包。一人午市套餐包括蜜汁叉燒拼化皮燒腩仔(細)、蝦餃．燒賣．翡翠粉果，珍珠雞各一件、原隻鮑魚伴天白菇，唔夠大胃王墳肚。所以嗌多左個炒飯同兩籠點心。➖➖📌 蜜汁叉燒拼化皮燒腩仔(細)蜜汁叉燒同化皮燒腩仔各有3件。叉燒大舊又厚肉又Juicy，好有蜜香。燒腩仔個皮燒到脆卜卜。➖➖📌 蝦餃．燒賣．翡翠粉果．珍珠雞蝦餃：完整一粒好脹卜卜，一啖咬落好彈牙，蝦餃皮帶煙韌。蟹子燒賣：大大粒，肉和豬肉比例均勻又夠多蟹子，必食之選翡翠粉果：水晶粉果皮搓到厚薄適中，餡料切到碎碎地珍珠雞：糯米好煙韌，入面仲有半隻鹹蛋黃，好驚喜➖➖📌 原隻鮑魚伴天白菇原隻鮑魚咁上，仲有天白菇同西蘭花做伴碟。鮑魚都算大隻，新鮮彈牙，加埋鮑汁食真係好正。➖➖📌 小籠包 $36賣相好特別，皮薄多湯汁，肉份量適中，唔會調味得好鹹。➖➖📌 金瑤蛋白炒絲苗 $128 一大
好耐之前有親友係呢間擺酒，環境幾靚，坐得又舒服。今日同老闆食飯佢就決定黎呢間飲茶。餐廳位於利舞臺5樓，主要做宴會場地，樓底好高。
➖➖
午市 menu有好多選擇，令人眼花撩亂。今次就揀左$238既一人午市套餐再加一碟金瑤蛋白炒絲苗、一碟菠蘿叉燒包同埋一籠小籠包。一人午市套餐包括蜜汁叉燒拼化皮燒腩仔(細)、蝦餃．燒賣．翡翠粉果，珍珠雞各一件、原隻鮑魚伴天白菇，唔夠大胃王墳肚。所以嗌多左個炒飯同兩籠點心。
➖➖
📌 蜜汁叉燒拼化皮燒腩仔(細)
蜜汁叉燒同化皮燒腩仔各有3件。叉燒大舊又厚肉又Juicy，好有蜜香。燒腩仔個皮燒到脆卜卜。
➖➖
📌 蝦餃．燒賣．翡翠粉果．珍珠雞
蝦餃：完整一粒好脹卜卜，一啖咬落好彈牙，蝦餃皮帶煙韌。
蟹子燒賣：大大粒，肉和豬肉比例均勻又夠多蟹子，必食之選
翡翠粉果：水晶粉果皮搓到厚薄適中，餡料切到碎碎地
珍珠雞：糯米好煙韌，入面仲有半隻鹹蛋黃，好驚喜
➖➖
📌 原隻鮑魚伴天白菇
原隻鮑魚咁上，仲有天白菇同西蘭花做伴碟。鮑魚都算大隻，新鮮彈牙，加埋鮑汁食真係好正。
➖➖
📌 小籠包 $36
賣相好特別，皮薄多湯汁，肉份量適中，唔會調味得好鹹。
➖➖
📌 金瑤蛋白炒絲苗 $128
一大碟兩個人食真係飽哂！用足材料去炒，大大碟。飯粒炒得好乾身。瑤柱同蛋白份量都唔少。
➖➖
📌 菠蘿叉燒包
菠蘿包鬆脆，叉燒餡多，熱辣辣食真係好正。
➖➖
地址：銅鑼灣波斯富街99號利舞臺廣場5樓
張貼
