影片
更多
2021-02-26
3037 瀏覽
是咁的，當日同老婆慶祝結婚一週年，基於老婆從來未食過兼且自己都只係同屋企人食過lunch，好想試下佢嘅晚餐。一入到門口就知道無去錯隔離Outback，佢嘅裝修完全同金鐘嗰間一樣，濃濃嘅美式扒房味道: 皮梳化、玻璃屏風、卡位短枱俱全，完美將金鐘嘅Ruth’s Chris複雜出黎，燈光柔和，環境氣氛同衛生同100分。服務方面，侍應唔多，大概一個侍應serve 3至4枱客，但係完全看似係一對一service咁體貼。由坐低開始，侍應就先斟水俾我哋飲，然後遞上餐牌，再推介set餐同散叫嘅菜式，最後我老婆叫左當日唯一一個$488 set餐，我就散嗌soup of the day、焗蠔、大蝦盤同埋一塊12oz 肉眼。侍應喺上每道菜式都會問需唔需要叫黑胡椒，我同老婆成餐飯都未見過自己個杯無水，並非因為我地無飲水，而係因為侍應會企喺老遠角落一路同其他同area嘅侍應吹水，一路留意住枱上嘅水杯；每道菜上嗰陣個侍應都好似啲女仆咁叫我地enjoy~ 非常親切、尊業！食物方面，水準之上，老婆嘅龍蝦湯我飲過好多次，味道如出一轍，龍蝦味爆滿，質感濃郁，入口猶如吞輟龍蝦精華；小弟就試左蟹肉周打湯，對比龍蝦湯更為出色，
一入到門口就知道無去錯隔離Outback，佢嘅裝修完全同金鐘嗰間一樣，濃濃嘅美式扒房味道: 皮梳化、玻璃屏風、卡位短枱俱全，完美將金鐘嘅Ruth’s Chris複雜出黎，燈光柔和，環境氣氛同衛生同100分。
服務方面，侍應唔多，大概一個侍應serve 3至4枱客，但係完全看似係一對一service咁體貼。由坐低開始，侍應就先斟水俾我哋飲，然後遞上餐牌，再推介set餐同散叫嘅菜式，最後我老婆叫左當日唯一一個$488 set餐，我就散嗌soup of the day、焗蠔、大蝦盤同埋一塊12oz 肉眼。侍應喺上每道菜式都會問需唔需要叫黑胡椒，我同老婆成餐飯都未見過自己個杯無水，並非因為我地無飲水，而係因為侍應會企喺老遠角落一路同其他同area嘅侍應吹水，一路留意住枱上嘅水杯；每道菜上嗰陣個侍應都好似啲女仆咁叫我地enjoy~ 非常親切、尊業！
食物方面，水準之上，老婆嘅龍蝦湯我飲過好多次，味道如出一轍，龍蝦味爆滿，質感濃郁，入口猶如吞輟龍蝦精華；小弟就試左蟹肉周打湯，對比龍蝦湯更為出色，如果龍蝦湯嘅味道叫做暴力，蟹肉湯就係君臨天下嘅感覺，完全無味覺疲勞嘅感覺，蟹肉同牛奶忌廉個融合程度就似維他朱古力奶咁，唔會有單方面嘅搶味，而係互相升華味道，對得住soup of the day！焗蠔係用忌廉加菠菜鹽焗，呢碟菜對比湯就遜色少少，蠔有蠔味，topping有忌廉菠菜味，但偏偏分庭抗禮，溝唔埋，不過啲蠔幾新鮮同埋重蠔味；蝦盤有10隻蝦同埋一scone薯蓉，蝦肉爽口多汁，但係每人5隻會食到味覺疲勞，薯蓉用左米芝連食譜，香味濃厚，口感順滑；老婆嗰份牛係7成熟6oz牛柳配松露汁，肉質嫩滑，松露入味，每分牛肉都夾雜住松露芳香，將牛味唔重嘅牛柳添上濃烈嘅野菌味，非常抵讚！我自己嗰份medium rare 12oz 肉眼可以話係將百佳黑椒咸豬手嘅味融入左去嘅牛肉當中，外脆內軟，黑椒、鹽同百里香完美將肉眼嘅牛味升華！老婆有份芝士焗西蘭花嘅side dish ，西蘭花焗到啱啱熟，唔會有生嘅硬度同青味，亦唔會有overcook嘅淰，軟硬適中，頂面鋪上cheddar cheese同mozzarella ，焗到溶晒，外層少少燶，香濃芝士夾西蘭花，perfect！
驚喜位：訂位嗰陣同餐廳講左係慶祝結婚週年，餐廳送左份甜品比我地，本身老婆個set已經有cheese cake ，所以佢地將送嗰份甜品改成青檸sorbet，仲用朱古力上Happy Annversary，老婆大讚非常方便打卡，甜品小弟唔識鑑賞，個sorbet係好食嘅，酸酸甜甜，非常適合食飽後解濟。
終極驚喜位：侍應上完甜品之後，佢拎左部DC仔出嚟幫我地影相，之後仲print埋出黎攝喺個心意卡度送比我地，抵你賺我地錢嘅，埋單$1858，體驗100分，食物85分，扣分位喺海鮮菜式度，味覺疲勞係高級餐廳嘅禁忌，海鮮同材料嘅味道如果可以做到相輔相成就更好！
張貼