影片
更多
2022-07-10
1547 瀏覽
第一次寫食評, 住係東涌, 老婆生日, 近近哋又想食好啲, 不如去鋸扒. Sunset Grill 有熟成扒就去試下啦😁🤤💪 入口睇到唔同嘅熟成部位, 開始有啲肚餓Roasted 烤嘅凱撒沙律第一次食, 好好食👍佢哋用嘅鬼佬鹹魚搵咗隻鹹度啱啱好, 唔知咩牌子呢？😛 豬面肉好味, 多啲就好喇🤤, 上面啲巴馬臣脆芝士功夫多, 還ok. 整體好好食. 北海道帶子拉丁美做法, 青檸汁, 墨西哥辣椒片, 紅椒爆谷, 脆卜卜幾得意, 呢個頭盤好食醒胃, 但都幾辣. Juicy Seafood 飯, 好重龍蝦味, 撈勻先至食, 黑色嗰啲原來唔係橄欖係墨汁, 無影到撈勻咗個樣, 因為好快食晒, 超正, 龍蝦係陪襯個飯先至係主角.Porterhouse 一塊牛扒食兩邊部位 Tenderloin + Top loin. Tenderloin 部分多個 T 骨, 大廚手勢非常好, 兩邊可以燒到唔同生熟程度, 老婆怕生所以Tenderloin 嗰邊熟少少, 好嘢梗係要留比老婆食😘🥰 啲蒜頭記住撩出來食, 好好食好甜. 呢一晚個扒 Perfect💪🥳🥰 平時對啲sides 無乜期望, 好多地方又貴又求其, 今次
入口睇到唔同嘅熟成部位, 開始有啲肚餓
Roasted 烤嘅凱撒沙律第一次食, 好好食👍佢哋用嘅鬼佬鹹魚搵咗隻鹹度啱啱好, 唔知咩牌子呢？😛 豬面肉好味, 多啲就好喇🤤, 上面啲巴馬臣脆芝士功夫多, 還ok. 整體好好食.
北海道帶子拉丁美做法, 青檸汁, 墨西哥辣椒片, 紅椒爆谷, 脆卜卜幾得意, 呢個頭盤好食醒胃, 但都幾辣.
Juicy Seafood 飯, 好重龍蝦味, 撈勻先至食, 黑色嗰啲原來唔係橄欖係墨汁, 無影到撈勻咗個樣, 因為好快食晒, 超正, 龍蝦係陪襯個飯先至係主角.
Porterhouse 一塊牛扒食兩邊部位 Tenderloin + Top loin. Tenderloin 部分多個 T 骨, 大廚手勢非常好, 兩邊可以燒到唔同生熟程度, 老婆怕生所以Tenderloin 嗰邊熟少少, 好嘢梗係要留比老婆食😘🥰 啲蒜頭記住撩出來食, 好好食好甜. 呢一晚個扒 Perfect💪🥳🥰
平時對啲sides 無乜期望, 好多地方又貴又求其, 今次真係估佢唔到, 有驚喜, 我哋叫咗黑松露薯蓉同埋個混菇 mixed mushrooms, 個混菇估唔到咁好味, 比我想像中好好多, 價錢又合理. 掂呀👍下次有機會試埋其他啲sides.
飯後甜品
黑啤雪糕好特別好好味, 唔要個蛋糕都得😜 前面嗰碟.
蘋果撻好食, 啲蘋果大大嚿, 索晒汁又juicy又好味. 我食得甜.
如果可以黑啤雪糕加蘋果撻就超正☺️
最後嗌咗幾杯 Flat White 無花, 個杯大啲就好😂, 味道達標.
主廚 Martin 好熱情好好人, 完全無架子, 會唔會因為係西班牙人嘅緣故, 見佢未停過, 真係好勤力, 員工就要加油喇😂😛不過已經係晚市,做咗全日嘅員工都應該好攰. 員工都好有禮貌, 唯一係未抹過枱啫, 之前食完嘢有汁有剩就將啲新嘅廚具擺喺枱, 喺汁嘅附近, 當然冇直接擺喺啲汁上面, 我都有錯食到周圍係😅😂但抹咗枱會唔會好啲呢, 大家都方便, 佢唔使周圍搵位放廚具😝？如果有枱布我都會自己抹, 呢樣真係要留意下啦🙏😜
飯後出戶外周圍睇下, 原來係有live DJ. DJ Eric 話佢逢禮拜四五六晚市, 星期日就午市都喺度為大家預備啲好嘅音樂和氣氛. 下次同啲朋友出去出邊坐下先.
廁所無影但好乾淨,舒適,光猛. 仲有毛巾抹手添.
食飯夠1000蚊泊車兩個鐘免費, 入閘記住撳飛,
飯後埋單叫餐廳員工chop單跟住攞落酒店,
單連飛給酒店員工登記, 出閘用飛掃二維碼, 不過喺閘口掃咗幾次都出唔到😂😅最後要call人嚟先至搞掂.
出去食飯最緊要食得舒服開心, 當然最重要啲嘢又要好味. 整體經驗非常好一定會再嚟.
張貼
