影片
更多
2024-09-02
9329 瀏覽
男友為左慶祝我生日，一早BOOK左枱，所以入座果陣，職員送上生日卡、幫我地影相、同埋餐牌都印有我個名。BOOK左窗邊嘅座位，星期一晚上六點半入座，望住個天慢慢變黑，雖然餐廳唔係高層，但無高樓阻擋，一望無際，順便睇埋幻彩詠香江😍。我地點左$2,088二人餐，包前菜、主菜、配菜同甜品，每款都有好多款菜式供選擇。落完單後，首先會送上一隻大餐包!!😮 餐包外層酥脆、內裡好空氣感而且柔熟；聞落淡淡蔥香，但由於只係個面先有乾蔥，所以整體食落蔥味唔濃。隔離個牛油好滑好香好正，可惜只可以打包個餐包、牛油就無得打包🙈前菜---龍蝦湯落柯打果陣職員會問我地係咪SHARE，原來目的係幫我地預先分開個餐湯，本身仲諗住一人一啖咁SHARE 😅 呢個係加分位。另一個加分位係職員喺客人面前先倒湯，好有儀式感🙊個湯龍蝦味濃、調味適中、質地唔係好滑，有酸忌廉嘅部分味道更好。前菜---焗海鮮拼盤+$120有四款焗海鮮，分別係焗煙肉帆立貝、日式香辣蟹肉焗生蠔、焗珍寶蝦配意式辣醬、蟹餅。刺身級別嘅帆立貝口感柔軟，可惜無鮮甜味，而且焗煙肉未能將其煙燻香滲入帶子，結果味道未能融為一體。焗生蠔嘅醬有D似味噌加中式麵豉醬嘅味，甜甜地
BOOK左窗邊嘅座位，星期一晚上六點半入座，望住個天慢慢變黑，雖然餐廳唔係高層，但無高樓阻擋，一望無際，順便睇埋幻彩詠香江😍。
我地點左$2,088二人餐，包前菜、主菜、配菜同甜品，每款都有好多款菜式供選擇。
餐前大包
61 瀏覽
0 讚好
0 留言
前菜---龍蝦湯
龍蝦湯
69 瀏覽
0 讚好
0 留言
落柯打果陣職員會問我地係咪SHARE，原來目的係幫我地預先分開個餐湯，本身仲諗住一人一啖咁SHARE 😅 呢個係加分位。
另一個加分位係職員喺客人面前先倒湯，好有儀式感🙊
個湯龍蝦味濃、調味適中、質地唔係好滑，有酸忌廉嘅部分味道更好。
前菜---焗海鮮拼盤+$120
焗海鮮拼盤
$120
71 瀏覽
1 讚好
0 留言
有四款焗海鮮，分別係焗煙肉帆立貝、日式香辣蟹肉焗生蠔、焗珍寶蝦配意式辣醬、蟹餅。
刺身級別嘅帆立貝口感柔軟，可惜無鮮甜味，而且焗煙肉未能將其煙燻香滲入帶子，結果味道未能融為一體。
焗生蠔嘅醬有D似味噌加中式麵豉醬嘅味，甜甜地、好微弱嘅辣，配合得好好😋；生蠔亦無焗到全熟。唯一要挑剔生蠔偏瘦、唔夠飽滿😆。
珍寶蝦爽彈，個汁有D似龍蝦汁。
蟹餅雖然唔大件，不過食到滿滿嘅蟹肉，而且又唔會好鹹，特別焦脆嘅位置蟹味更特出。
主菜---上等腰肉牛扒24oz (For TWO)
上等腰肉牛扒24oz (For TWO)
87 瀏覽
2 讚好
0 留言
老實講，上枱果陣個賣相真係唔靚，就咁一舊啡黑色、無「井」字煎紋嘅肉放喺隻白碟度😅
男友切果陣，我先知原來係T骨😯不過係一件近2吋厚嘅T骨!!😍 牛扒兩邊都煎到5-7成之間，成熟程度我覺得拿捏得好好。
上等腰肉牛扒24oz (For TWO)
136 瀏覽
1 讚好
0 留言
表面焦香，牛柳扒肉質相當柔軟、又多汁；🤤
上等腰肉牛扒24oz (For TWO)
104 瀏覽
0 讚好
0 留言
西冷扒食落明顯較有咬口，但肉味較重。
呢件扒分量唔少，食到滯滯地，可以點偏辣嘅芥苿醬做調味，刺激一下味蕾🙊。
配菜---芝士松露炸薯條配松露蛋黃醬
芝士松露炸薯條配松露蛋黃醬
95 瀏覽
0 讚好
0 留言
幼薯條熱辣辣，所以面頭灑左果少少芝士碎可以做到輕微嘅拉絲。乜醬都唔沾嘅情況下已經好夠味，但又食唔出有松露味🙈 冰凍嘅松露醬偏酸，松露香就一般。
配菜---焗芝士煙肉通粉+$48
焗芝士煙肉通粉
$48
113 瀏覽
0 讚好
0 留言
為左滿足芝士控嘅我而加錢點嘅配菜，分量唔多，但食完好飽肚!! 😏 扭紋通粉煮到硬硬地，好有咬口，芝士醬好香好濃，上面灑嘅脆脆蒜粉，更令呢個通粉錦上添花!!😋😋
甜品---莫爾頓經典焗暖心朱古力餅 (For TWO)
莫爾頓經典焗暖心朱古力餅 (For TWO)
127 瀏覽
0 讚好
0 留言
原來係朱古力心太軟配雲尼拿雪糕，心太軟雖然唔夠流心，但朱古力味甚濃；呢個價位仲諗住會配個好D嘅雲尼拿雪糕，點知係香精雪糕，呢個位有點失望🙉。
梳乎厘蛋糕
梳乎厘蛋糕
107 瀏覽
0 讚好
0 留言
呢個梳乎里係我食過最好味，好濃蛋香，甜度可以接受，空氣感十足，配埋個焦糖奶醬，非常好味，相當出色!!😍
整體用餐體驗良好🤓，無論環境、座位、景色、氣氛、員工服務都好，就連上枱嘅餐碟全部都溫熱，可見餐廳非常在意食物嘅溫度。
最後埋單近$2500/兩位。
張貼
