影片
更多
2010-11-04
113 瀏覽
有人升職又加薪，攞錢出嚟慶祝下，識食之人就推介此處，一行14人就唔客氣。到達時只見唐皇的裝飾，再望出去，更係維港醉人的夜色，品嚐著自攜、帶點凍嘅白酒，實是不錯嘅頭盤，只可惜沒有"幻彩詠香江"，可惜！此處有別於一般嘅酒樓，一圍圍嘅菜單較少，識食之人就決定散講，同行嘅人當然無異議，難得有人諗食咩。菜餚陸續嘅上枱，發現普遍比一般酒樓嘅份量少，的的骰骰，但賣相比一般酒樓就講究D，擺得有D Style！所以唔係每道餸有有機會試到： 鐵板蜜汁叉燒 - 將叉燒切薄片，放上鐵板，令叉燒保持熱騰騰，上枱時淋汁(應該係燒汁)，汁嘅香味就散發，提升食慾，食落叉燒嫩口，汁嘅味道變得更濃郁！ 脆皮燒腩仔 - 以4x4嘅正方形排列上碟，避免影響賣相，將底層有骨嘅位置切走，這樣嘅size令食客能一啖過，享受脆皮之餘，還能一起品嚐肥瘦肉，周到！ 酥炸坑腩 - 整舊坑腩加上薄薄一層粉漿，落鍋炸，然後切件上碟，肥瘦分明仍然保持著牛腩嘅嫩滑，正! 芥蘭炸牛肉 - 連莖連葉一條過嘅粗身芥蘭，炸嘅時候落點微辣嘅沙嗲醬，芥蘭爽口翠綠，牛肉嫩口，，有特色！ 咕嚕肉 - 賣相普通，味道不過不失，不過應該落咗少許蜜糖，令食物添了點黏性
到達時只見唐皇的裝飾，再望出去，更係維港醉人的夜色，品嚐著自攜、帶點凍嘅白酒，實是不錯嘅頭盤，只可惜沒有"幻彩詠香江"，可惜！
此處有別於一般嘅酒樓，一圍圍嘅菜單較少，識食之人就決定散講，同行嘅人當然無異議，難得有人諗食咩。菜餚陸續嘅上枱，發現普遍比一般酒樓嘅份量少，的的骰骰，但賣相比一般酒樓就講究D，擺得有D Style！所以唔係每道餸有有機會試到：
鐵板蜜汁叉燒 - 將叉燒切薄片，放上鐵板，令叉燒保持熱騰騰，上枱時淋汁(應該係燒汁)，汁嘅香味就散發，提升食慾，食落叉燒嫩口，汁嘅味道變得更濃郁！
脆皮燒腩仔 - 以4x4嘅正方形排列上碟，避免影響賣相，將底層有骨嘅位置切走，這樣嘅size令食客能一啖過，享受脆皮之餘，還能一起品嚐肥瘦肉，周到！
酥炸坑腩 - 整舊坑腩加上薄薄一層粉漿，落鍋炸，然後切件上碟，肥瘦分明仍然保持著牛腩嘅嫩滑，正!
芥蘭炸牛肉 - 連莖連葉一條過嘅粗身芥蘭，炸嘅時候落點微辣嘅沙嗲醬，芥蘭爽口翠綠，牛肉嫩口，，有特色！
咕嚕肉 - 賣相普通，味道不過不失，不過應該落咗少許蜜糖，令食物添了點黏性，藕段絲連！
酸甜蝦 - 將大蝦分開三段，落鍋炸一炸，再以酸甜汁炒至乾身，蝦肉結實，汁全入蝦身，蝦殼還帶點脆身！
柚子皮炆海參 - 無食柚子，只食海參，夠淋身，海參全被汁包圍，唔錯！
上湯浸豆苗 - 豆苗好嫩，清清淡淡，讓味蕾微微休息一下！
膽膽麵 - 極重嘅花生醬味道，埋我胃口，只可惜個麵事先煮定，黏埋一舊，師傅又唔記得鬆鬆佢，要自己攪掂，美中不足！
侍應服務也是一流，加水幾次菜葉會無味，侍應會主動換菜葉，埋單時亦幫我哋減少咗一D費用(例：開瓶費)。
靚景加上美食加上一流服務，無咩可以彈！
張貼