影片
更多
2022-05-27
4790 瀏覽
家後已經想食咗好耐好耐，喺深水埗應該好多人都識，馳名餃子同埋佢哋自家製家庭式嘅芝士蛋糕，食過嘅人都讚不絕口，重點係價錢相宜，除咗街坊，喺深水埗返工嘅人，好多專登好似我咁樣喺其他地區住嘅人都會特登嚟朝聖👍🏻👍🏻我今日11:30就去到，刻意避開咗午餐嘅人潮，一早已經睇定餐牌可以即刻叫得，叫咗好多嘢食，又俾人問究竟我係咪食得晒😎，等候期間，每1分鐘就有客人買芝士蛋糕或者餃子，真係好瘋狂，老闆都有講，芝士蛋糕即日買完就冇，所以食唔食到都就要碰運氣，當然都可以提早預訂🥟🥟▪️雙拼煎餃 $ 44洋蔥豬肉餃 / 芫荽豬肉餃餃子都係新鮮即包，我見到有兩位員工好似摩打手咁不停喺度包餃子，可想言知有幾新鮮，當然係即叫即煎，皮薄餡靚，外皮煎得超香超脆，洋蔥豬肉餃食到粒洋蔥嘅爽脆，豬肉新鮮，好多汁，另外我最愛嘅芫荽餃，好多芫荽包住豬肉，好好食🤩🤩🍲▪️家後鮮大腸羹 $ 38大碗到一個點，兩個人都夠食，餡料好多，有大腸，豬肚，豬紅，木耳絲，肉絲，豆腐，芫荽，湯頭非常濃郁鮮味，大腸同埋豬肚好有咬口，非常好味又飽肚🍗▪️日式炸雞 $ 27傳統嘅日式唐掦炸雞，大大件新鮮即炸，外皮鬆脆，雞肉滑滑，點埋酸甜汁一齊食，正正🍙▪️日
家後已經想食咗好耐好耐，喺深水埗應該好多人都識，馳名餃子同埋佢哋自家製家庭式嘅芝士蛋糕，食過嘅人都讚不絕口，重點係價錢相宜，除咗街坊，喺深水埗返工嘅人，好多專登好似我咁樣喺其他地區住嘅人都會特登嚟朝聖👍🏻👍🏻
我今日11:30就去到，刻意避開咗午餐嘅人潮，一早已經睇定餐牌可以即刻叫得，叫咗好多嘢食，又俾人問究竟我係咪食得晒😎，等候期間，每1分鐘就有客人買芝士蛋糕或者餃子，真係好瘋狂，老闆都有講，芝士蛋糕即日買完就冇，所以食唔食到都就要碰運氣，當然都可以提早預訂
🥟🥟▪️雙拼煎餃 $ 44
洋蔥豬肉餃 / 芫荽豬肉餃
餃子都係新鮮即包，我見到有兩位員工好似摩打手咁不停喺度包餃子，可想言知有幾新鮮，當然係即叫即煎，皮薄餡靚，外皮煎得超香超脆，洋蔥豬肉餃食到粒洋蔥嘅爽脆，豬肉新鮮，好多汁，另外我最愛嘅芫荽餃，好多芫荽包住豬肉，好好食🤩🤩
🍲▪️家後鮮大腸羹 $ 38
大碗到一個點，兩個人都夠食，餡料好多，有大腸，豬肚，豬紅，木耳絲，肉絲，豆腐，芫荽，湯頭非常濃郁鮮味，大腸同埋豬肚好有咬口，非常好味又飽肚
🍗▪️日式炸雞 $ 27
傳統嘅日式唐掦炸雞，大大件新鮮即炸，外皮鬆脆，雞肉滑滑，點埋酸甜汁一齊食，正正
🍙▪️日式住家飯團 $ 16
家的味道，調咗味嘅飯團，加咗牛蒡絲少少肉碎
簡單又好食
🍰▪️開心果芝士蛋糕 $ 33
芝士蛋糕質感好細滑，好鍾意呢個口感，開心果味細緻濃厚，而且一啲都唔甜，100分，終於知道點解咁多人鍾意食，其實我仲想食多一件原味，但係今日實在太飽😂😂😂
☕️▪️烏龍茶 $ 10
食咗咁多嘢，都要飲番杯茶解解渴👐
✨一定會再回訪的小店，好喜歡這裏的煎餃子和芝士蛋糕，平民價錢，質素超高，唔識就笨✨
🏛家後
📍深水埗基隆街211號地舖
張貼
