海景海鮮酒家

營業中

休息中

由於假日都比較多人, 好彩一早BOOK 左位,  咁先至不用久等.坐下不久, 就嗱嗱聲到樓下的海鮮店買海鮮. 買了蟹 , 魚 ,聖子 ，龍蝦 .鹽焗奄仔蟹 , 熱辣辣香噴噴，蟹膏甘香粉糯。椒鹽鮮魷 : 炸得香脆內軟。龍躉三食，首先係 炒球，肉質鮮嫩而且啖啖肉。炆骨腩，外面炸得脆脆，再炆，味道較為濃，但可接受，而且骨腩肉質十分香滑。芝士焗龍蝦伊麵底，熱辣辣香噴噴的芝士味，十分吸引。龍蝦肉爽口嫩彈牙。濃濃香滑的芝士配合伊麵，食得到芝士汁的香口。