魚米 (翠屏(北)商場)

營業中

休息中

今天放 lunch 又黎左呢度附近, 呢間之前試過, 一次 ok, 一次好唔掂。同事就話佢上星期黎過, 還可以的!特餐其實即係 lunch set, 款式不太多。穩陣起見, 我揀左果醋豬軟骨菜飯。同事揀左魚蛋貢丸蟹籽丸米線。先上來我的凍檸茶, 味道 ok!果醋豬軟骨有四大舊, 唔算太肥。質感不是太淋的, 有少少咬口, 可接受的。味道帶點酸酸甜甜, 排骨入味。菜飯上枱非常熱, 飯粒分明, 不會太硬。如果小棠菜的份量可以多一點會更加好食。同事說她的米線也不錯。餐廳裝修光猛企理, 坐位寬敞, 卡位也算舒服, 會再來的。