麻辣派對 (金百利廣場) (已結業)

連續放幾日假當然要去行街食飯，今日出左銅鑼灣去食川菜選咗麻辣派對呢間餐廳。餐廳裝修好特別，座位舒適。選左兩個套餐水煮鮮牛肉套餐，酸菜江團魚套餐和單點乾扁四季豆。水煮鮮牛肉（BB辣）呢個辣度剛剛好又唔會太辣，呢個午市套餐都好大份，鮮牛肉好嫩滑又超多牛肉全部系下面，仲有一些芽菜都唔會太淋好好味。酸菜江團魚啖啖魚肉，魚片又大大塊魚片又嫩滑又無骨超美味可口。乾扁四季豆仲有肉碎一起炒炒到好香濃又入味又不油膩，又好夠味道綠豆沙甜品好軟綿綿又唔會太甜。凍蜜語水果茶有西瓜大大塊又甜，飲品又好好飲。