龍華酒店 (下禾輋)

營業中

休息中

21/3/2025 同屋企人專程嚟呢度食好嘢。因為大家記得好耐之前嚟過，食乳鴿好正，一於睇吓有冇保持水準？亦或有驚喜？我哋叫咗：-紅燒頂鴿，必食，皮脆卜卜，鴿肉嫩口，蝦片配襯，好有肉汁😋新鮮菠蘿咕嚕肉，肉質有咬口，酸甜適中，配襯的新鮮菠蘿夠鮮甜，保持特色👍🏻紅燒山水豆腐，沙田豆腐，真係嫩滑。沙田雞粥，粥底夠火候，又有雞味，而且仲有好多雞件，雞肉美味。清炒菜心，翠綠新界菜心，好食。甜品：凍豆腐花桶，配以桂花糖水，花香清甜，豆腐滑口，圓滿美味的午餐。店員招呼友善，樂於給予提議。餐廳環境舒服，給人悠閑享受美食的感覺。之後，到 「龍華茶居」參觀文物珍藏，追尋滿滿的回憶！龍華酒店，－個值得推介的好地方。