Attic Handmade Pasta (已結業)

係一個月前搵到呢間位於金馬倫道既意大利餐廳慶祝我同先生既周年飯。事前係openrice訂好位，並註明入甜品上寫字✍️琴晚上到去，見到個裝潢都唔錯，幽暗既燈光帶點閃閃金金既擺設室內既坐位其實唔多，我哋安排咗一張偏細既兩人位，侍應好有禮貌咁點起蠟燭🕯️兩公婆商量之後決定散點唔叫set，因為我哋想食個海膽手工意粉，同埋主菜唔想限死一、兩款選擇。點菜後，先上麵包🥯，微暖配上海鹽牛油同埋橄欖油黑醋汁，如果橄欖油同黑醋分開會更好，正宗意大利食法係唔會將兩者max 埋一齊😵‍💫我哋各自另外點咗杯紅、白酒，還可以易入口。（抱歉忘記影低餐牌，所以唔記得菜名）第一道前菜：咩他他海鮮，兩款魚生+藍海蝦配上他他汁，酸酸辣辣都幾開胃，但味道上未至於俾我到好大驚喜～第二款前菜：煙薰蛋黃魚子多士，上面既醬汁有微微煙薰加上少少魚子，中間果層係三個醬油漬蛋黃，蛋黃有咸香味，成個構思都幾特別第三道菜：海膽手工意粉🍝，呢個係本店推介，好味面頭有兩細份既海膽過下口癮，雖然唔係好夠喉，不過手工意粉做得幾好，食落煙靭彈牙，個汁非常之creamy，難怪有幾枱客都order咗呢個菜👍🏻望落去好似好細份，但因為個醬汁都比較膩，所以淺嘗就岩