食鮮港

營業中

休息中

之前幾日經過順寧道，見到有間新開無耐嘅餐廳門口有黑板寫住支竹羊腩煲經已推出，就決定有時間過嚟試下。因為我本身好中意食羊肉，但係係香港好難食到岩口味嘅。今晚同兩個朋友過嚟，叫咗大煲羊腩。侍應好熱情，馬上跟好個煤氣爐，一人一碟腐乳汁，一大碟送嘅生菜。幾分鐘後羊腩就到，睇賣相還可以，瓦煲幾大，羊腩份糧都足.煲左兩三分鐘已經開始聞到香味，迫不及待試左舊，味道還可以，有好香嘅醬味，又五咸，口感適中，羊腩皮又帶點爽。半個鐘五夠，連墊底嘅支竹羅卜都已經食晒。仲要叫多碟肥牛同雜丸，加埋幾支啤酒埋單先500蚊，超值！值得推薦！