路邊小炒

營業中

休息中

難得終於凍番啲，屋企人想食番個羊肉煲暖吓身。路邊見到有個將promotion 唸到倒背如流，又見餐廳有我哋想要嘅羊肉煲就入咗去試。除咗羊肉煲外，仲叫咗黃金蝦、椒鹽鮮魷同個京都豬扒。羊肉煲好快就上咗菜，個人認為比較韌，會難咬啲，要番啲耐性去享用。識食一定食入晒味嘅蘿蔔同冬菇。食緊嘅時候，店員有多次問我哋有冇需要開冷氣，係體貼嘅～至於椒鹽鮮魷，幾時叫都最穩陣。好食，唔係淨係大大舊炸生粉，仲食到啲炸蛋黃添！而黃金蝦，雖則炸到脆一脆，但就唔係個個都接受到成隻蝦連殼食。。最後⋯雖然我哋都追過個京都豬扒，但最尾都無上到。原來一直煮好，留低咗喺廚房⋯所以都係取消咗。轉咗個韭菜豬紅填填肚，少少辣辣哋咁，唔錯。羊肉煲388，加埋另外三個餸，四個人食七百幾埋單，合理嘅。