羅馬餐廳

營業中

休息中

同樣係離島，但相比起長洲，梅窩相對地少人得多，亦都因此比較悠閒，入黎散下心實在係唔錯選擇，至於食野方面，由於無咩人黎玩，唔會話有咩好特式或者好出名既餐廳要黎試，但依然都有幾間水準幾高既餐廳，其中我覺得最能代表梅窩既茶記就係羅馬餐廳聽落個名會以為佢食西式野，其實都係一間普通既茶記，但佢既水準一路穩定，而且食物選擇幾多又大份呢到最抵食其實係下午茶，但今次午餐時份黎到，都唔錯，有二十幾樣野揀楊州炒飯$39：好耐無食過炒飯，見到即刻叫呢個！不過今次真係等左好耐係咪要係羅馬炒完先拎黎不過等待都算值得既，上碟時熱辣辣，飯得炒得乾身唔油膩，而家係茶記食到乾身既炒飯已經唔係一件容易既事不過最扣分既係餸既份量，叉燒得幾粒，同本身既大份量印象有啲出入喎除左叉燒少，低成本既青豆或者蔬菜粒同樣唔多，真係名副其實既炒飯，好彩飯相對多同埋本身調味適中，食哂成個都夠飽肚檸茶配炒飯，中和返炒飯既油同大量澱粉質，中規中舉吧建議大家下午茶黎，配搭同份量都多啲又抵食啲！