影片
更多
2020-11-29
700 瀏覽
是日太掛住日本既關係就拉左朋友去食呢間日式沖繩既居酒屋去舒緩一下想去旅行既慾望.呢到成間餐廳都比人一種好日本既感覺,雖然地放唔算大但又唔會帶比人一種焗促既感覺.沖繩風椒鹽炸豬手係炸得香脆既豬手上灑滿粒粒炸蒜顯得格外有風味.豬手入口外層炸得乾脆香口,連同炸蒜粒一齊食,帶出double香脆感.外脆既豬手同內裏既口感形成一個對比,咬入豬手內充滿富有骨膠原感既豬手筋,Q韌惹味.沖繩風炒島豆腐健康風沖繩小菜之一亦係店內推薦既菜式.充滿蔬菜,硬豆腐粒及豚肉既雜炒,入口帶有燻香既鑊氣.蔬菜有豆芽,椰菜,洋蔥,甘筍絲,清爽香甜再配以豚肉及豆腐增添肉香鹹香味,作為居酒屋下酒菜絕對唔遜色.沖繩風炒幼麵以肉碎,韭菜,洋蔥及甘筍絲加上幼麵而成,完成後係麵條上灑滿木魚碎,木魚碎隨熱力不停係麵上舞動.雖然賣相望落好似好淡而無味,但入口帶卻帶出陣陣鹹香感,同時亦有木魚碎既木魚香味,比起傳統濃味既日式炒麵我更鍾意沖繩源自食材既自然風味.鹽燒牛舌牛舌入口滿滿牛脂香.牛脂香濃而不膻,係口腔內充滿餘韻.只要額外加少少黑胡椒,味道已經相當充夠.牛舌質感厚而爽脆,十分滿足.自家製沖繩冬甩拼炸紅芋球沖繩炸冬甩係呈球狀,外層經炸過
沖繩風椒鹽炸豬手
係炸得香脆既豬手上灑滿粒粒炸蒜顯得格外有風味.豬手入口外層炸得乾脆香口,連同炸蒜粒一齊食,帶出double香脆感.外脆既豬手同內裏既口感形成一個對比,咬入豬手內充滿富有骨膠原感既豬手筋,Q韌惹味.
沖繩風炒島豆腐
健康風沖繩小菜之一亦係店內推薦既菜式.充滿蔬菜,硬豆腐粒及豚肉既雜炒,入口帶有燻香既鑊氣.蔬菜有豆芽,椰菜,洋蔥,甘筍絲,清爽香甜再配以豚肉及豆腐增添肉香鹹香味,作為居酒屋下酒菜絕對唔遜色.
沖繩風炒幼麵
以肉碎,韭菜,洋蔥及甘筍絲加上幼麵而成,完成後係麵條上灑滿木魚碎,木魚碎隨熱力不停係麵上舞動.雖然賣相望落好似好淡而無味,但入口帶卻帶出陣陣鹹香感,同時亦有木魚碎既木魚香味,比起傳統濃味既日式炒麵我更鍾意沖繩源自食材既自然風味.
鹽燒牛舌
牛舌入口滿滿牛脂香.牛脂香濃而不膻,係口腔內充滿餘韻.只要額外加少少黑胡椒,味道已經相當充夠.牛舌質感厚而爽脆,十分滿足.
自家製沖繩冬甩拼炸紅芋球
沖繩炸冬甩係呈球狀,外層經炸過後十分鬆化酥脆,內裏就係軟熟又帶蛋香味既麵包餡.感覺似迷你脆炸版既沙翁,細細粒一口size又唔會令你過飽.味道唔會帶陣油溢味包油膩感,帶微甜感覺幾特別.
炸紅芋球以紅芋蓉搓成球狀再係外層沾上白芝麻後落油炸.加左芝白粒後不但令口感更脆而且高溫油亦令芝麻散發出更香既麻香味.紅芋蓉入口香甜又健康.
沖繩四季桔燒酌梳打
入口酸酸甜甜,橘味清新,可以化膩前菜油膩感.酒味唔算太濃烈,唔苦澀易入口相對較甜,所以好適合女性朋友飲.
張貼
