金牌

營業中

休息中

因工作關係過咗嚟九龍灣食午餐，見到呢間餐廳用呢一個芝士辛辣麵食，即刻雙眼發光，因為平時啲餐廳，最多都係普通好鬼辣嘅辛辣麵，但係呢間竟然有芝士辛辣麵套餐，所以即刻衝左入去。套餐入面有得揀漢堡扒/ 吉列魚柳/ 豬扒同雞扒，最後決定試吓個吉列魚柳，其實真係幾大塊同埋揸得幾香脆，不過略嫌個魚冇乜味，下次都係試吓漢堡扒。如果芝士辛辣麵，我要求要淋少少，佢都真係做到，個湯底啱啱好，有少少辣又有香濃嘅芝士味，超級開胃。可惜得一間分店，唔係成日去九龍灣，希望佢會喺其他地方再開分店啦