嚐粵樓小館

營業中

休息中

老友話跑馬地有好介紹，今晚終於有朋友回港聚頭有試食機會！不得了，每道莱色都十二分出色！朋友們都讚嘆不已！頭盆三小碟：沙姜葱油豬肚又夠冧又無臭豬尿味，避風塘鮮魷，同盬燒九肚魚脆炸漿夠薄火喉剛剛好，保持肉鲜嫩滑！頭盆已經咁出息，十分祈待主菜！都有廣東懷舊粵菜，香煎韭菜墨魚餅 ，琵琶豆腐，杏汁花膠白肺湯，飲完個唇好膠，差不多失傳的粤莱，兒時回憶，今晚返晒來！我們食得出主厨的心機，心思，工夫，個胃全部接收晒！意大利黑醋咕嚕肉，白切走地鷄是清遠鷄，用上湯浸，時間掌握剛好，肉質嫩滑沒有多餘肥油，直頭一絕👍！鷄油花彫蒸馬友，又係驚喜，越似簡單的蒸魚，越見大厨真張！仲有招牌炒飯！居然用砂鍋上，內有大大粒海参鲜蝦，炒飯粒粒分明夠乾身但不失濃厚飯香，拍得住日本米芝蓮鐵板燒炒飯感覺！最後2個招牌甜品西米蓮蓉焗布丁及沙翁！個胃已經call我話好飽，但係都不能抗拒要食！好彩食埋，蓮蓉混入芋蓉，甜度剛剛好！最後沙翁的濃郁疍味，又炸得外脆內軟，正正就是兒時回憶的味道！食得感動又開心！還有侍應大姐熱情招待，又介紹每道餸莱的特色，貨源，用料，食材，果然是top sales!真係有小店温馨特色！朋友個個萬二分滿足，已經约