元気寿司

由於繼續儲印花關係,今期轉戰佐敦元氣.
唔知點解呢度啲壽司好味好多,order的刺身好明顯係新鮮啲,燒帆立貝又燒得好味啲,連三文魚壽司的三文魚都係凍.
至於啲手卷同軍艦壽司的紫菜很脆,而炸軟殼蟹還食到疑似蟹羔,甚至松葉蟹肉同甜蝦感覺都係新鮮啲.
仲有其他地方唔見有迴轉的帶子裙邊,呢度都有,感覺有點點鮮味.