HOLA

營業中

休息中

難得有一天假期，天氣放晴，實屬難得。一於出去影下相  CHILL 下。影完相之後去左「天空次城」果邊搵到有一間餐廳叫做【HOLA HOLA】，雖然餐廳唔算大，但係比人感覺好舒服。我哋試左「炸蕃薯薯條配雞粒」、「鴨胸炒意粉」、「牛油果雞肉沙律」、「香橙苿莉梳打特飲」各「凍絲襪奶茶」。「炸蕃薯薯條配雞粒」 ： 炸蕃薯係幾特別既，又夠香脆，不過比較甜，如果可以鹽既份量可以多少少，應該會更好。雞粒很香口，夠酥香，份量可以多一點會更完美。「鴨胸炒意粉」： 鴨胸啖啖肉，味道得宜，意粉亦唔會太冧，恰到好處。「牛油果雞肉沙律」： 份量算多，足夠3-4個大人分享的前菜，牛油果好新鮮，雞肉好嫩滑，配香脆的沙律菜夠晒醒胃。「香橙苿莉梳打特飲」 ： 香甜既橙汁配苿莉花好夾，互相輝映，想飲多杯呢。「凍絲襪奶茶」 ：  夠香滑，茶底夠濃亦新鮮，有誠意。