一直有好多靚Cafe，真係滿滿的青春回憶，
今日再嚟呢度，就去咗十二樓嘅部屋咖啡室，
鋪頭唔算大，但都算新淨，梳化位都闊落，坐得舒服，
我哋坐咗兩個幾鐘都唔覺累！
有啲肚餓，見到「Combo for two 二人套餐」($388) 就立即被吸引咗，
套餐有意粉又有Pizza小食，連埋嘢飲，認真抵食！
1️⃣ 烤雞磨菇闊條麵
依家都真係唔係度度有得食闊條麵，一於試吓
麵身夠煙韌彈牙，忌廉汁唔會太濃稠，飽肚得嚟又唔膩，
烤雞份量都多，加上磨菇，係好經典又好食嘅配搭
2️⃣ 西西里PIZZA(10吋)
呢度都有唔少Pizza選擇，西西里薄餅就有辣肉腸、火箭菜等等，
佢哋10吋Pizza有六件、薄批，Share食份量適中，
茄醬嘅酸香較為突出，而其他配料味道均衡，
鍾意有火箭菜提升薄餅嘅鮮香，食落層次都豐富
3️⃣ 炸蟹餅
份量好多！蟹餅用蟹柳碎打成，炸得金黃，
一啖一粒，係非常好嘅佐餐小食
4️⃣ 炸春卷 (+$25)
春卷係素菜餡料，上菜時熱辣辣，
份量都幾多，認真抵讚
5️⃣ 芝士西蘭花 ($48)
有好濃郁嘅白汁做底，配上鹹香十足嘅烤芝士Topping，
令呢款西蘭花變得十分惹味，隱藏食法係可以用埋啲白汁嚟配意粉食用，都非常match
6️⃣ 豆腐芝士蛋糕 ($50)
價錢唔算平，但製作用心，
除擺盤靚之外，蛋糕本身混用咗豆腐，食落更加輕盈，
食飽正餐再食呢款甜品都毫無難度
7️⃣ 手冲冰波奶茶 (+$23)
套餐跟特飲只係需要加$23，都算公道，
而Cafe嘅樽仔奶茶真係唔係度度有，
呢款自家製奶茶唔會太甜，茶香突出，
加上茶冰波，喺慢慢融化嘅同時，
為奶茶再注入茶香，越飲越香濃，真係幾正
8️⃣ 綠茶紅豆奶茶 (+$23)
另一款奶茶混合咗綠茶，茶同奶香都好充足，
加上厚厚嘅忌廉以及紅豆茸，甜度就更加突出
