影片
更多
2021-03-21
145 瀏覽
星期五早上，要過海去銅鑼灣做啲嘢，經過謝斐道小巴站見到條人龍，心諗：10點幾排晒隊，以為有乜嘢事，原來要排隊入去食茶記，見又未夠鐘，所以諗住同佢癲吓，排咗大概10分鐘，終於可以坐低。我點左個招牌餐跟杯熱奶茶，先來左杯茶，同埋炒蛋多士，奶茶唔錯，有茶味夠滑，又唔澀口，有少少回甘，水準之作！試埋份炒蛋，出晒煙，熱辣辣，未食見到個樣都知道對辦，唔多講。反而我想講下個沙嗲牛肉麵，果然係招牌餐，花生夠香，有沙嗲味，有少少辣，對於我呢個九龍人來講，估唔到香港區有茶記個沙嗲牛肉做得好過紅茶。整體來講，呢間四寶食堂，從服務招呼，裝修環境，再加埋食物嘅質素，絕對係一間有質素，有心機嘅茶餐廳，唔怪之得晨早流流食早餐都要排隊！
我點左個招牌餐跟杯熱奶茶，先來左杯茶，同埋炒蛋多士，奶茶唔錯，有茶味夠滑，又唔澀口，有少少回甘，水準之作！試埋份炒蛋，出晒煙，熱辣辣，未食見到個樣都知道對辦，唔多講。
反而我想講下個沙嗲牛肉麵，果然係招牌餐，花生夠香，有沙嗲味，有少少辣，對於我呢個九龍人來講，估唔到香港區有茶記個沙嗲牛肉做得好過紅茶。
整體來講，呢間四寶食堂，從服務招呼，裝修環境，再加埋食物嘅質素，絕對係一間有質素，有心機嘅茶餐廳，唔怪之得晨早流流食早餐都要排隊！
張貼