Chachawan (荷李活道)

營業中

休息中

💚Chachawan💚Larp Moo好食。呢個其實就係生菜包。佢有分兩款，一款係鴨肉，一款係豬肉，所以大家叫嘅時候要小心啲，個名都幾似。由於小編唔食得太多鴨，所以就叫咗豬。小編會覺得比起其他鋪嘅生菜包再香啲，多咗個特別味，唔知係米自家制香料呢？所以小編就幾中意食。同埋佢好細心咁切細咗啲生菜，變咗可能細細舊咁包嚟食，唔會食得狼狽。小編欣賞。Gai Yung推介。呢個真係好食，尤其個醬。雞本身就好嫩口，個皮又燒到脆脆地，真係幾好食。就咁單食個雞會真係食到炭燒味同蒜味，證明佢真係有經過24小時醃製，再用炭火燒。所以佢就咁單食都唔會覺得單調。再配埋個醬就更加一流，勁好食，小編仲就咁食咗好多啖醬，大愛。真係枱枱都有叫呢個😂Phad Thai小編覺得可以留返quota試其他。配料都多，但味道比起其他就有啲輸蝕，冇乜突出，不過都算正常。但係個麵質就稍微差少少，小編厭個麵有啲偏濕同軟身，冇咗平時phad thai嘅口感同味道。