影片
更多
2022-11-22
30 瀏覽
期待咗好耐嘅餐廳🤍自選五餸車仔麵 $63第一次叫五餸嘅車仔麵，平時都係叫開三餸🤣因為今次同朋友share一碗，所以可以嗌多啲料一齊食！我哋嗌咗香辣魷魚、雞中翼、豆卜、蘿蔔同埋生菜，麵底係幼麵，醬汁方面揀咗腩汁同小辣。個人最鍾意食佢嘅豆卜同蘿蔔，因為佢哋索完啲湯之後真係好Juicy！魷魚都好好味，非常爽口！招牌鮮炸肉丸 $30呢個炸肉丸外脆內軟，有啲家的味道，因為同我屋企平時整開嘅好似！肉丸加咗洋蔥，所以會食到有少少爽脆，而且好鮮甜！招牌煎餃子(芝士粟米&韭菜) $42呢個餃子真係超出色，朋友食完忍唔住大讚好味，仲即場買咗一打生餃返屋企煮！我哋都好鍾意佢嘅芝士粟米煎餃，因為啲芝士可以拉絲，同平時用片裝芝士嗰啲餃子嘅味道完全唔一樣！佢嘅韭菜餃都唔錯，豬肉同韭菜嘅比例啱啱好，而且Juicy。爆漿阿華田西多士(朱古力榛子醬) $33作為西多士同阿華田嘅愛好者，呢個西多真係超啱我胃口！之前見到其他foodie post已經好想食，今次終於試到！佢個西多士可以揀朱古力榛子醬同埋花生醬，我哋揀咗朱古力榛子醬。西多士食落每一啖都有香濃嘅阿華田同榛子味，真係好邪惡，但好好味啊！而家一路打又一路好想食，真
自選五餸車仔麵 $63
第一次叫五餸嘅車仔麵，平時都係叫開三餸🤣因為今次同朋友share一碗，所以可以嗌多啲料一齊食！我哋嗌咗香辣魷魚、雞中翼、豆卜、蘿蔔同埋生菜，麵底係幼麵，醬汁方面揀咗腩汁同小辣。個人最鍾意食佢嘅豆卜同蘿蔔，因為佢哋索完啲湯之後真係好Juicy！魷魚都好好味，非常爽口！
招牌鮮炸肉丸 $30
呢個炸肉丸外脆內軟，有啲家的味道，因為同我屋企平時整開嘅好似！肉丸加咗洋蔥，所以會食到有少少爽脆，而且好鮮甜！
招牌煎餃子(芝士粟米&韭菜) $42
呢個餃子真係超出色，朋友食完忍唔住大讚好味，仲即場買咗一打生餃返屋企煮！我哋都好鍾意佢嘅芝士粟米煎餃，因為啲芝士可以拉絲，同平時用片裝芝士嗰啲餃子嘅味道完全唔一樣！佢嘅韭菜餃都唔錯，豬肉同韭菜嘅比例啱啱好，而且Juicy。
爆漿阿華田西多士(朱古力榛子醬) $33
作為西多士同阿華田嘅愛好者，呢個西多真係超啱我胃口！之前見到其他foodie post已經好想食，今次終於試到！佢個西多士可以揀朱古力榛子醬同埋花生醬，我哋揀咗朱古力榛子醬。西多士食落每一啖都有香濃嘅阿華田同榛子味，真係好邪惡，但好好味啊！而家一路打又一路好想食，真係回味無窮！
張貼
