影片
更多
2015-10-29
5537 瀏覽
呢晚原本訂左2間buffet打算俾老公2簡1，最後簡左呢間。真係覺得做岩決定！我地呢晚食得十分滿意！開心盡興地食足2粒幾鐘先走，仲要唔係好捨得嗰隻 😂😂 如果唔使急住反去湊仔應該會再戰第3,4輪 😂😂好啦，係時候講下有咩咁吸引我地？以下係我地一致認為全晚最值得一食再食既食物。1。長腳蟹事前睇食評見人話好咸，我都有少少不安，因為老公最愛就係長腳蟹，如果好似佢地講咁咸到咁誇張咁就大獲，驚老公會失望。好彩，我地一坐低就即刻親自試味！完全唔覺得咸得滯！反而覺得好鮮甜，大部份都好好味！間中有一兩隻蟹腳鞋啲，不過唔影響整體分數！5分！！2。心太軟呢個心太軟不得不講左先！事關實在太色香味美！我一口氣連續食左2碟~ 😁😁 而佢更大特色係可以DIY 留言，不但精美，配埋流心到不得了既心太軟，啖啖都咁令人回味！！講真，好味過好多大酒店既所謂心太軟，有時甚至會變左係朱古力蛋糕黎囉！！😂😂3。刺身鮮味！特別係帶子！不得不試！你會忍唔住再要~ 不過每次得2粒係美中不足。。😜4。大閘蟹呢晚有大閘蟹食，仲有鮑魚大蜆，輪住上，每次都大排長龍，我幸運地排到一隻大閘蟹，後面嗰個岩岩好拎唔到，要再等下下輪先有。同老公一齊分
好啦，係時候講下有咩咁吸引我地？
以下係我地一致認為全晚最值得一食再食既食物。
1。長腳蟹
事前睇食評見人話好咸，我都有少少不安，因為老公最愛就係長腳蟹，如果好似佢地講咁咸到咁誇張咁就大獲，驚老公會失望。好彩，我地一坐低就即刻親自試味！完全唔覺得咸得滯！反而覺得好鮮甜，大部份都好好味！間中有一兩隻蟹腳鞋啲，不過唔影響整體分數！5分！！
2。心太軟
呢個心太軟不得不講左先！事關實在太色香味美！我一口氣連續食左2碟~ 😁😁 而佢更大特色係可以DIY 留言，不但精美，配埋流心到不得了既心太軟，啖啖都咁令人回味！！講真，好味過好多大酒店既所謂心太軟，有時甚至會變左係朱古力蛋糕黎囉！！😂😂3。刺身
鮮味！特別係帶子！不得不試！你會忍唔住再要~ 不過每次得2粒係美中不足。。😜
4。大閘蟹
呢晚有大閘蟹食，仲有鮑魚大蜆，輪住上，每次都大排長龍，我幸運地排到一隻大閘蟹，後面嗰個岩岩好拎唔到，要再等下下輪先有。同老公一齊分享，味道都幾好！！雖然膏唔係多，但好味，啲肉亦甜。比預期好，算有驚喜。5。即開生蠔
我一開始就係睇中呢到有生蠔食，所以一開波當然一支箭飛去排隊，第一輪已經要排15分鐘到，每人限4隻，我總共拎左3輪，最後一輪等左成25分鐘，得反一個師傳開同洗蠔，勁慢！味道方面有一款比較鮮甜，但唔肥美，全部屬中下肥美，味道中上，無驚喜但唔差。至於熟食就味道都唔錯，款式亦唔少，湯就只得一款，不得不提和牛一燒，係招牌之一，但我個人覺得偏咸，不過老公話岩岩食偏咸，但食到最後又幾香，我領略唔到 😂😂😂
拎完大閘蟹之後就會有蒸鮑魚大蜆，我同老公都每人拎左一份，今次排既人明顯少左好多，原因，食左就明白晒~ 無驚喜，太普通~
甜品方面我因為食成2份心太軟實在太滯，無緣試其他，而老公試既焦糖燉蛋麻麻，其他都比教滯，我地飽到無位再試其他就走左lu~
不過我同老公對呢個生日飯都覺得好滿意，會再幫襯！
埋單2個人$1100有找~ 以食物質素而言都算抵食！
張貼
