影片
更多
2021-08-22
119 瀏覽
落bar都係想chill. 咁去下海邊人少嘅地方就正la.呢間bar喺東涌, 我哋去到都係730倒, 個場好大, 裝修都好有北歐style, 仲要禮拜一真係冇咩人, 成件事好舒服! 見到poster話禮拜六都有live show, 有興趣真係可以揀下禮拜六去!🍖German Pork Knuckle呢個豬手真係好大隻, 塊皮係勁脆, 跟住切嘅時候完全係脆片嘅聲, 中間啲脂肪係唔油膩嗰隻肥, 有小小啫喱啲感覺. 雖然係好大舊咁燒但係份邊嘅肉係燒得好均勻, 唔會出邊乾入邊啱啱熟咁. 佢係每個位都唔會乾, 跟住我覺得佢個sauce配個豬手真係好perfect. 酸酸甜甜咁, 唔經唔覺就食晒成隻豬手😚🥘Meat Paella 我個人比較中意大大粒好飽和嘅飯, 飯入邊仲暗藏咗好多舊雞, 相信係醃咗好耐嘅肉, 因為真係好入味. 加埋出邊舊烤肉, 都係肉多過飯🤣🤣🍸Margarita 呢款經典cocktail相信大家都唔陌生, 係有tequila嘅橙味酒, 女仔至愛💓🍹Mocktail 我冇order飲邊隻, 完全由佢發辦, 年紀大但係少女心嘅我見到杯嘢, 未飲已經好中意! 味道就更加唔使講, 唔肥
呢間bar喺東涌, 我哋去到都係730倒, 個場好大, 裝修都好有北歐style, 仲要禮拜一真係冇咩人, 成件事好舒服! 見到poster話禮拜六都有live show, 有興趣真係可以揀下禮拜六去!
🍖German Pork Knuckle
呢個豬手真係好大隻, 塊皮係勁脆, 跟住切嘅時候完全係脆片嘅聲, 中間啲脂肪係唔油膩嗰隻肥, 有小小啫喱啲感覺. 雖然係好大舊咁燒但係份邊嘅肉係燒得好均勻, 唔會出邊乾入邊啱啱熟咁. 佢係每個位都唔會乾, 跟住我覺得佢個sauce配個豬手真係好perfect. 酸酸甜甜咁, 唔經唔覺就食晒成隻豬手😚
🥘Meat Paella
我個人比較中意大大粒好飽和嘅飯, 飯入邊仲暗藏咗好多舊雞, 相信係醃咗好耐嘅肉, 因為真係好入味. 加埋出邊舊烤肉, 都係肉多過飯🤣🤣
🍸Margarita
呢款經典cocktail相信大家都唔陌生, 係有tequila嘅橙味酒, 女仔至愛💓
🍹Mocktail
我冇order飲邊隻, 完全由佢發辦, 年紀大但係少女心嘅我見到杯嘢, 未飲已經好中意! 味道就更加唔使講, 唔肥嘅話好想要多杯🤩
Manager係土耳其人, 中間仲坐低同我哋傾咗好耐, share咗佢自己嘅故事, 對香港嘅睇法. 嚟咗香港10年, 睇住香港10年嘅變化, 覺得唏噓但係做唔到啲咩, 同其他香港人一樣. 記得一開波我問佢邊度人嘅時候, 佢答「Hong Kong」. 就已經好值得支持.
張貼
