譚仔三哥米線 (幸福中心)

營業中

休息中

有時要去尖沙咀做嘢，自己一條友唔知食乜好，多數都係食米線。尖東有間三哥，冬天去嗰陣時，次次等位都要等成半個鐘至九個字，等嘢食就再多三個字，食餐晏要成個半鐘😅。前幾日去，已經見門口冇太多人，點知原來唔使等位就入得👍。而且上菜快咗好多，效率有所進步。題外話呢間舖啲姐姐幾好禮貌。自從有咗砂砂湯底之後，我就冇再食過麻辣，佢其實係沙嗲湯底，味道都幾香，不過辣度就好似隨心，感覺5小辣同10小辣冇分別。米線少少淋，但可接受。牛肉有幾多片，另外仲有隻新餸，鴨鎚$7，佢大小同KFX雞鎚相約，但無乜肉，而且原來係滷水味，我覺得麻麻，唔會再叫。