影片
更多
2025-03-18
1007 瀏覽
之前成日聽人講「Dough Bros Pizza」好正，但係大西北一直冇分店，所以一直都冇機會試。而家終於等到佢哋喺屯門開咗分店，即刻去試吓！餐廳環境簡約又型格，開放式廚房可以睇到師傅即場搓麵糰同烤製薄餅，感覺好有氣氛。我點咗個招牌Margherita，餅底薄脆，邊緣微微焦香，咬落去煙韌有口感，配上新鮮番茄醬、水牛芝士同羅勒葉，味道清新得嚟又充滿層次，簡單但好出色。不過最驚喜嘅反而係佢哋嘅冬甩！暖笠笠上枱，外層微脆，內裡鬆軟，灑上糖粉，甜而不膩，食落好有幸福感。原來佢哋唔止薄餅好食，連冬甩都咁出色！整體嚟講，「Dough Bros Pizza」嘅食物質素高，價錢合理，終於唔使山長水遠去食，屯門人有口福啦！
不過最驚喜嘅反而係佢哋嘅冬甩！暖笠笠上枱，外層微脆，內裡鬆軟，灑上糖粉，甜而不膩，食落好有幸福感。原來佢哋唔止薄餅好食，連冬甩都咁出色！
整體嚟講，「Dough Bros Pizza」嘅食物質素高，價錢合理，終於唔使山長水遠去食，屯門人有口福啦！
張貼