影片
更多
2017-07-17
564 瀏覽
同人嘅朋友係一個素食者，所以今晚我哋特登搵左一間食素嘅餐廳而係香港來講大部份悉數嘅餐廳之前佢都食，所以我哋今次去咗呢一間位於尖沙咀而裝修亦都好靚嘅功德林餐廳。見到餐牌上面佢寫住堅持不加味精不加色素，少鹽少油。見到佢哋嘅宗旨我同朋友都好安心。餐廳大部份嘅位置都坐滿左我哋一早book咗位所以都留咗個幾靚嘅位置。餐牌上面介紹得好詳細亦都會有講佢原本係用啲咩來整嘅。而且呢間餐廳係米之蓮推介係香港來講都算係名氣幾好嘅餐廳。功德林三拼盤無錫脆鱔，上海烤夫，脆皮素鵝。三樣嘢都幾好食，首先講佢嘅鱔，脆口而且仲會有甜酸汁，賣相真係幾可亂真。好野味。另外佢嘅烤天，甜鹹嘅醬汁令到入口juice,另外總會有花菇木耳同埋豆，各種唔同嘅口感。佢嘅鵝亦都係脆口，而且包住唔同嘅絲，例如甘筍木耳冬菇。酸辣湯羮，份量可以兩個人食酸酸地好開胃。入邊會有少少素肉素翅，口感都唔錯。橄欖菜炒秋葵由於我同朋友都好喜歡食秋葵，上面會有橄欖菜吊味幾唔錯， 出邊好多時食秋葵都係用蒜蓉或者就咁炒，呢個特別嘅配搭都係第一次。砂鍋獅子頭，我哋叫咗個特色名菜獅子頭嘅味道真係好似真嘅獅子頭，但佢入邊係用菇素玉馬蹄同埋一啲素翅，有少少爽口嘅感覺配以
餐廳大部份嘅位置都坐滿左我哋一早book咗位所以都留咗個幾靚嘅位置。
餐牌上面介紹得好詳細亦都會有講佢原本係用啲咩來整嘅。
而且呢間餐廳係米之蓮推介係香港來講都算係名氣幾好嘅餐廳。
功德林三拼盤
無錫脆鱔，上海烤夫，脆皮素鵝。三樣嘢都幾好食，首先講佢嘅鱔，脆口而且仲會有甜酸汁，賣相真係幾可亂真。好野味。另外佢嘅烤天，甜鹹嘅醬汁令到入口juice,另外總會有花菇木耳同埋豆，各種唔同嘅口感。佢嘅鵝亦都係脆口，而且包住唔同嘅絲，例如甘筍木耳冬菇。
酸辣湯羮，份量可以兩個人食酸酸地好開胃。入邊會有少少素肉素翅，口感都唔錯。
橄欖菜炒秋葵
由於我同朋友都好喜歡食秋葵，上面會有橄欖菜吊味幾唔錯， 出邊好多時食秋葵都係用蒜蓉或者就咁炒，呢個特別嘅配搭都係第一次。
砂鍋獅子頭，我哋叫咗個特色名菜獅子頭嘅味道真係好似真嘅獅子頭，但佢入邊係用菇素玉馬蹄同埋一啲素翅，有少少爽口嘅感覺配以冬菇小棠菜黃芽白，滾熱辣之餘醬汁配得剛剛好。
擔擔面，花生好多而且花生醬嘅味道好濃烈麵條亦都係 軟硬適中，而肉碎嘅口感都唔錯。
張貼
