素年 (福隆大廈)

營業中

休息中

想食素又食得好味 素年係個好選擇🌱由深水埗一間店 做到而家有四間分店 相信佢哋嘅創新同健康都深得大家歡心🫶🏻最方便我嘅喺深水埗福華街就有一間啦🍴ꕥ 黑松露帶子意大利長通粉黑松露好香好濃郁 用杏鮑菇仿造嘅帶子入口多汁爽嫩✨另外仲有唔同嘅配菜 秀珍菇/翠玉瓜/菠菜等等🥒好豐富 亦都增加咗唔同嘅口感ꕥ 素年經典不可能肉醬意大利粉不可能肉醬嘅意思係佢地採用Impossible foods嘅植物豬肉製成肉醬🐷但係食落同真肉無分別 味道仲好好呢 而且無咗平時真豬肉嘅油膩感🍝芝士亦都係純素芝士 同樣夠晒醎香ꕥ 日本南高梅柚子青提慕絲蛋糕忍唔住點多件cake🤭青提甜甜哋 慕絲蛋糕口感綿密 因為加咗柚子 所以特別清新 飲品選擇有咖啡/養生茶/梳打等等 我點咗海鹽焦糖朱古力 醎醎甜甜咁好特別☕️朋友嘅黑加侖子荔枝梳打就啱晒而家悶熱嘅天氣啦🍹唔知大家有無留意到素年有啲菜式會用到蘋果嘅呢🍎我哋去光顧嗰日 每位客人都獲贈一個佢哋所用嘅rockit蘋果☺️so sweet