六榕仙館

營業中

休息中

由多人多車的佐敦道轉入lee間純樸的餐廳，忽然好似回到70年代。兩層高，有卡位，門前有個counter賣糕餅，有個阿姐不斷切外賣同堂食嘅齋滷味。齋滷味好熱好新鮮，首推素鵝。腐皮有好多層，脆同有彈性。食得出佢地有心機清潔腐皮，將汁料一層層掃上腐皮面，再一層層包。所以無油味，入味又乾身。第二好食係齋叉燒，唔會好咸，唔硬。酸齋好大件，吸左的汁，酸味度適中。羅漢齋炒麵用料足。冬菇好大隻。味道唔係好濃，清清地，好純樸嘅味道。lee度無D新齋，無而家好HIT嘅齋魚生同齋咖咕嚕肉。只係做最傳統嘅齋菜，簡簡單單，但用足心機同足料炮製。對面枱有兩個僧人都係黎食，大家都好似習以為常。只有我覺得新奇吧。