影片
更多
2023-03-18
139 瀏覽
去得多木系cafe 黑色系cafe都少見 唔係黑白係純黑wor🫢如果間cafe仲要cross埋salon呢 我地就坐係前半部分 一面雜誌牆隔開左我地同salon嘅空間 但係都會聽到吹頭髮嘅聲🤣除左近門嘅進食位 戶外都有一小片空間可以飲咖啡！雖然呢間飲品咖啡選擇都幾多 但係唔算咖啡愛好者嘅我地就決定嗌多樣甜品😛嗌完野食之後坐係開放式廚房+cafe bar面前可以望住廚師整野食同沖咖啡 仲見到佢即時開抹茶粉 攞個好專業嘅掃開！上餐嘅速度都好快 好有效率 D野食來到都係熱辣辣😋🥯沙嗲牛肉貝果💰88沙嗲牛同bagel分開見得多 佢哋嘅合體我都係第一次見😹不過一般嘅cafe好似都冇bagel嘅選擇 普通包類都係正常 講真配埋bagel好似仲減輕左沙嗲牛嘅罪惡感🫢bagel切開兩等份 上半部分較plain 係有韌勁嘅口感 麵包體組織幾好 都難切開 下半部分就蓋滿左沙嗲牛 但係頑皮嘅沙嗲牛根本唔會乖乖地呆係bagel上面 份量多到佢哋已經趴左係碟度！分開兩半嘅溫泉溏心蛋都特別引人注目 流心嘅橙黃色蛋黃再加厚左充滿花生香味嘅沙嗲風味 蛋白就係啱啱烚好吹彈可破嘅狀態 滑嘟嘟咁比較清淡 沙嗲醬嘅味道幾正
去得多木系cafe 黑色系cafe都少見 唔係黑白係純黑wor🫢如果間cafe仲要cross埋salon呢 我地就坐係前半部分 一面雜誌牆隔開左我地同salon嘅空間 但係都會聽到吹頭髮嘅聲🤣除左近門嘅進食位 戶外都有一小片空間可以飲咖啡！雖然呢間飲品咖啡選擇都幾多 但係唔算咖啡愛好者嘅我地就決定嗌多樣甜品😛
嗌完野食之後坐係開放式廚房+cafe bar面前可以望住廚師整野食同沖咖啡 仲見到佢即時開抹茶粉 攞個好專業嘅掃開！上餐嘅速度都好快 好有效率 D野食來到都係熱辣辣😋
🥯沙嗲牛肉貝果
💰88
沙嗲牛同bagel分開見得多 佢哋嘅合體我都係第一次見😹不過一般嘅cafe好似都冇bagel嘅選擇 普通包類都係正常 講真配埋bagel好似仲減輕左沙嗲牛嘅罪惡感🫢bagel切開兩等份 上半部分較plain 係有韌勁嘅口感 麵包體組織幾好 都難切開
下半部分就蓋滿左沙嗲牛 但係頑皮嘅沙嗲牛根本唔
會乖乖地呆係bagel上面 份量多到佢哋已經趴左係碟度！分開兩半嘅溫泉溏心蛋都特別引人注目 流心嘅橙黃色蛋黃再加厚左充滿花生香味嘅沙嗲風味 蛋白就係啱啱烚好吹彈可破嘅狀態 滑嘟嘟咁比較清淡 沙嗲醬嘅味道幾正 唔會特別重口味 但係就令下半部分嘅bagel索左汁之後更軟熟易切左！好彩有D火箭菜負責清爽小小 整體幾有gimmick值得試下🫶🏻
🧇雪糕配抹茶紅豆窩夫
💰88
話咁快甜品都隨著正餐嘅腳步上埋 本身以為抹茶窩夫只係多小小抹茶粉 原來係開完抹茶粉之後倒埋落麵粉漿度 咁所以成個窩夫嘅內裡都會係綠色的 味道更濃厚！成個窩夫堆砌到好似座抹茶山咁 兩層窩夫底上面有紅豆粒 最上面仲有個曲奇雪糕 插住一片抹茶旗幟（其實係薄荷葉🤣）
曲奇雪糕唔知係咪homemade 因為曲奇碎超級大粒！！紅豆粒甜得來都唔係鬆散開 佢哋好有組織咁痴埋一齊 有D似醬嘅質地 碟面仲淋左一圈焦糖醬 如果驚抹茶窩夫唔夠甜都可以點埋 滋味更上一層樓！抹茶窩夫自己外脆內軟 外面好容易切開 入面組織都幾黏糯 不過我個人比較鍾意被雪糕浸過嘅部分 就會更加軟熟😋
🍝高柏火腿牛肝菌芝士闊麵💰88
cafe來講呢個價錢嘅pasta都算抵食！選用左闊麵 令牛肝菌cream sauce更加掛係麵上面 撈開之後唔驚有麵係冇味嘅✌🏻除左底下濃密嘅cream之外 上層都有好多芝士碎 融化左更惹味 麵嘅本身唔算特別al dente 不過浸完汁都算ok！
牛肝菌唔同其他cafe 份量真係比得好多 仲要切得好大片 每次畢都可以食幾條😙高柏火腿一共有兩塊薄片 所以兩個人分開之後都可以食一片 火腿雖然有D鹹 但係入口即融 口感好滑 都算ok！
我地晏晝偏早去所以幾少人 但係都幾多人係個度整頭髮 我覺得一路整 一路飲返杯咖啡都唔錯呀👐🏻
📌 Duet Cuts & Cups (紅磡)
紅磡黃埔天地百寶坊(第3期)地下G28號舖
張貼
