Still

營業中

休息中

呢度主打精緻嘅Tapas同日本料理，裝修用咗橙、白、綠色，感覺好似行入咗一個陽光滿瀉嘅文青Cafe，坐低就覺得好Relax。晚市揀佐二人SET，頭盤可以喺9款Tapas入面揀3樣。份量唔係唔算好多，啱啱好可以試多啲唔同味道。我就揀咗西班牙蒜片蝦、香煎海鱸魚同油封鴨腿。每款都好有特色，蒜片蝦好入味又大隻, 香煎海鱸魚煎到啱啱好，唔會太乾，而油封鴨腿就油香四溢，真係一流。主菜推薦墨汁鮑魚西班牙海鮮飯，墨汁味道好濃郁，同鮑魚嘅鮮甜味真係絕配，食完仲想再嚟多一碟。甜品方面，焦糖蘋果金寶 X 雲呢拿雪糕好正，蘋果嘅酸同焦糖嘅甜好平衡，加上雪糕嘅滑，真係完美Ending。飲品方面，我地試咗水蜜桃蘋果梳打，清新爽口，仲有少少氣泡感，完全係夏天救星。如果鐘意飲酒，氣泡水果酒都係不錯選擇。