芋圓一

營業中

休息中

今日喺附近食完飯，想食糖水所以就黎左。呢度地方唔大，但係上層都有好多位，好適宜一班朋友一齊嚟傾偈食糖水。呢度係手機落單，好方便。我地叫左芋香仙草芋圓同4.3牛乳桃膠芋圓。名不虛傳，個芋圓好彈牙好有口感，加埋仙草同惹米，咬落好有層次，唯一係我地走左冰底，如果有埋冰底應該會更正。而我自己就最鍾意個牛乳桃膠，佢地好夾，桃膠好爽口，牛乳仲要係熱嘅，好impressive! 呢度啲糖水都唔貴，鍾意自己配搭都得，亦唔會貴太多，所以大大推薦！